Alcide De Gasperi. Album di casa
Innbaich: as de vinva van leistagest um 15.30 nomitto ka Palazzo Trentini.
De austell ist offet van 5 van leistagest finz as de 4 van schanmikeal va um 9 finz um 18 pet vrai intritt. En de doi zaitn, de sònstecher en de vria um 10.30 s bartn sai’ de guide aa za derzeiln de vourstell.
De Presidenz van Provinzal Rot va de Autonome provinz va Trea’t, zòmm en de Fondazione Museo storico van Trentin ont de Fodazione Trentina Alcide De Gasperi vaiert der groas auskennt statista en familiar vurm abia as sok schoa der titl va de austell. Vill de ausòndra letrattn ont zoachen, abia der De Gasperi pilt benn as der hòt a jor gahòp, der De Gasperi pet de sai’ na diarndler hoa’m en tol va Sella, ober ka Roma aa. Ont nou der president van Ministri Rot pet en baib de Francesca Romani en hoazetroas, der premier democristian bail der gschichtliche roas en 1947 en de Stati Uniti, benn as der hòt kriak gòp a groases zuazol ver en inger Lònt ver za austea no en kriag. Su, mònn, voter ont nono: a personal roas as en De Gasperi.
Turchausaustell “La Provincia si racconta”
Vourstell van nai format “PatStories competenze”. 5 van leistagest um oa’dleva. Zan leistn va de vourstell bart se hòlten a viarung offet en de lait.
De Turchausaustell “La Provincia si racconta”, kuriart va de Fondazione Museo Storico van Trentin, hòt abia rif der sèll za kontarn de gschicht, de haitzegentozait ont za zukunft van innricht va de Autonome Provinz va Trea’t. Der ring, toalt en mearera platz ont austell, enteressiart der ouberstock van sitz va Piazza Dante, vonk u’ van bichteste inngòng ont geat envir finz en inngòngzimmer Winkler.
“La Provincia si racconta” stellt vour pet de sai’na austell mearera temen ont virm za klòffen, ont gip en pasuacher de moglechkait za kennen de 50 jarder va autonomigschicht turch en de kompetenzn as aukriak kemmen sai’ pet en Zboate Statut van 1972. Zentralelement va de austell ont van “kontarn” sai’ de kuntschòftn van baiber ont van mander as en Provinz òrbetn ont gaòrbetet hom, en òlla de innrichtn ont toaln as zòmmstelln der sistem ont as an mosaik va personalgschichtn sai’ as pet de groasgschicht van innricht zòmmpintn se.
De austell ist kirzlech vernaiert ont integriart kemmen: s ist gamòcht kemmen an nain format as hoast “PatStories competenze”: de earstn stickler klòffen va urbanistik, vernem ont derret van minderhaitn, òrbet, verkearmittln ont zivilschutz. As de vinva van leistagest um oa’dleva en de vria, der assesosr pet ibergem en unterstitz va de autonomi Simone Marchiori, bart vourstelln de naiekaitn, zan leistn ist en programm a viarung as en òlla offet ist.
Derzua de plakatn
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
