Mercoledì, 29 Gennaio 2025 - 13:13 Comunicato 170

Traduzione in mòcheno
De viarskeste Konferenz van Sprochminderhatin, Marchiori: " Bichtega temen ver hait ont ver en sèll as bart sai’ van insern gamoa’schòftn"

[Mòcheno] De hòt se gahòlten en eirta as de 28 van genner en Sol Trentino, kan sitz va Piazza Dante, de viarskeste Konferenz van Sprochminderhaitn as de ist vourtzetzt kemmen van provinzalassessor en de politik ver en haus, de pahalter, der demanio ont s unterstitzn van kennen de Autonomi Simoni Marchiori, pet ibergeb van president va de Provinz Maurizio Fugatti.
S hòt toalganommen de viareren van Dinst van sprochminderhaitn ont de ausbendegen netzn Elisabetta Sovilla ont va vèrr sai’ gaben der regionalassessor Luca Guglielmi aa zòmm pet de vourstea’ner van ladiner, bersntoler ont zimber sprochminderhaitngamoa’schòftn, zbischn de beiln de lokal amministratorn van Comun general de Fascia ont va de Union Generela di Ladins dla Dolomites, de schualviarern, de toalnemmer van Amministrazionrotn van Kulturinstitutn ont va de Autoritet ver de sprochminderhaitn.
"Der doi ist an bichtegen moment ver za klòffen nèt lai van projektn za trong envire bail en jor, ober aa ver bos as de insern autonomi vourhom ver de insern gamoa’schòftn, temen runt bichte ver za mòchen kachea stea’ de sprochminderhaitn", hòt er tsòk der Marchiori.     
Conferenza Minoranze - Assessore Marchiori [ Veneri - Archivio Ufficio Stampa PAT]

En u’vòng van zòmmtrèff ist kemmen vourstellt abia as men bart toaln s Provinzalgèlt ver de sprochminderhaitn ont de politik ver za òrbetn ver za schitzn ont unterstitzn de minderhaitn, ver en sèll as keart s druck ont de nochrichtn as de minderhaitsproch, pet zuazoln as hèlven s kennen va de muatersproch van drai gamoa’schòftn aus van aigene lontschòft aa. De Provinz hòt vourstellt an zuazol va 657.121,05 euro ver za unterstitzn de nochrichtn, ver za trong envire projektn ont naiaòrbetn ver za stitzn ont envire trong de etnische, kultural ont sproch ausònderkaitn van ladiner, van bersntoler ont van zimbern as lem en de sèlln derver ont an ònder zuazol ver de òrbetn van Comun General de Fascia, abia as paschraip s provinzalgasetz. Vil de vourtschbinnen as bèrt gem en de gamoa’schòftn ont en de lokaln istituzionen van drai lander, zbischn de beiln de nochrichtn as kearn de druck ont de radio ont telebision programm, ober aa hearn lòng klòffen de sprochminderhaitn zbischn de jungen bail de schualzait.

 
En punkt van petrèff de vourtschbinn ver za stelln au de Europeischekòrt van regionalsprochen oder van minderhaitsprochen, an òrbet as der Europeischerot bill tea’ ver za schutzn de sprochminderhaitn.
"Der sèll va hait ist an earste tritt: s bichteste ver iaz ist ausklòffen se ont gea’ en de glaiche richtung ver za bèrt gem òlbe mear en de sprochminderhaitn”, hòt er tsòk der Marchiori, as hòt der punkt gamòcht asn dinst za gem aus de osterraicher sender Orf 1 ont Orf Sport avn gònze provinzallònt, as der u’vong vour ist en a por bochen. S ist runt bichte envire trong de nainòrbetn as bèrt gem en de jungen, pet an projekt as vour hòt s kennen lisnen sèll as de nain generazionen van sprochminderhaitn belln, as bos as de tschbinnen as de aigene identitet ont en sai’ vurm za kennen sa ibertrong, as s ist kemmen vourstellt va de Elisabetta Sovilla.

Letratdinst gamòcht van Druckomt

Ibersetz gamòcht van Sprochtirl va de Tolgamoa'schòft Hoa Valzegu' ont Bersntol

(cdt)


Immagini