De lait as roasn va Yoalin barn nètz tea’ meing ont verglaichern se bail en de naikait van u’vong van projekt, va de 14 finz af de 16 van prochet en Poschiavo (Schbaiz) en mearera trèffn en de Alpnlender. De barn enkorasiart kemmen za nemmen au de dinger as de tea’ en letratn ont topiacher, asou as de eppes aktiv ver en projekt tea’. De peistn paitroger barn an prais kriang en an konkurs, as de leiste naikait af de 24 ont 26 van schanmikeal 2025 en Bern vinnen bart. Zeichen toalnemmer van regionen Arge Alp barn de moglechkait hom za stelln vour de dinger as de gatu’ hom bail en Forum Eusalp va de 25 van òlderhaileng 2025 en Innsbruck.
De toalnemmer barn guata rotn ver de roas kriang va de gamoa’schòft va ex roaser va Yoalin, as abia viarer oder roaskamaròttn en a toal platz òrbetn barn, ont derzua barn sa nochrichtn kriang as af de sait https://www.yoalin.org/ sai’.
Yoalin ist a naikait va de CIPRA - Internazionalkommission ver en Schutz van Alpn ont van sai’ Konsultivrot van jungen, en gòng za kemmen paut van 2018. Derzua en Arge Alp, der projekt ist unterstitzt pet en gèlt van saitn va de Konvenzion van Alpn en de Schbaiz ont Osterraich ont va de Fondazion Clima Now. Arge Alp hòt toalganommen en projekt van 2021 ont van 2022. De u’vongnaieket va Yoalin hòt se gahòltn en Landeck en 2022 en rom van visk jor va de tirolerpresidenz.
Age Alp ist an òrbetgamoa’schòft augòngen as de 12 van schanmikeal 1972 ka Mösern en Tirol, pet en zil za vournemmen ont unterstitzn de òllgamoa’ nutzn as enteressiarn ungefèr 25 milionen va lait. S nemmen toal en Arge Alp s Taitschlònt pet en Vrai Stòtt va de Baviera, s Osterraicht pet de Länder Vorarlberg, der Tirol ont Sòlzburg, s Balschlònt pet de autonome Provinzn va Poazn ont Trea’t ont de Region Lombardia, de Schbaiz pet de Cantoni Grigioni, San Gallen ont Ticino.
Derzua: plakat
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
