Di trèff bartn soin inngehaltet in Kulturinstitut Lusern un mang soin gesek o in webinar. Disa initziativ iz darkhennt azpe schualkurs vor di lehrer vodar Provinz vo Tria un vor di studentn von kurs vo drai djar vo laurea in “Scienze e tecniche di psicologia cognitiva” un “Laurea magistrale in Psicologia” vodar Universitét vo Tria darkhennante darzua di krediti.
Dar earst trèff iz atz 27 von prachant 2026 di vünve in tages, pitt “La magia del disegno: quando le immagini curano”, a konferenz von profesor vo filosofia teoretika Gianluca Solla boda redet pin Gacomo Vergot vodar STAP – Società Trentina Altoatesina vo Psikoanalisi. Durch in trèff bartma ren von studje von Fachinelli aftn kaso vodar “paziente Laura”, zo vorstiana bia dar disenjo mage soin an mòdo zo khennase sèlbart un zo magase pèzzarn.
Atz viare von ludjo 2026 di 17.00 barta soin“L’importante è che se ne parli? Fachinelli e il futuro della salute mentale”, pitt Gioele Cima – lehrer von “Istituto di Ricerca di Psicoanalisi Applicata” - boda redet pinn Lorenzo Curti (STAP). Dar trèff bill zoang bia ma nützt in ta' vo haüt, kartza vil börtar vodar psikolodja baldada nètt iz mengl, un atz baz 'z hatta khött aft ditza Fachinelli, boda hatt sa gehatt darkhennt ke 'z berat vürkhent.
Atz 11 von ludjo, hèrta di 17.00, dar trèff iz “Il desiderio dissidente in Elvio Fachinelli”, konferentz vo Pietro Barbetta, diretor klinik un bizzaschafteg vodar International School of Systemic Therapy in Transcultural Contexts, boda redet pitt Marisa Guglielmi (STAP). Di konferentz bart ren von pensìaro Fachinelli boda haltet azta di umsinnen iz frai un geat nå in zaitn.
Atz vünve von herbestmånat, dar trèff “Elvio Fachinelli e l’asilo autogestito di Porta Ticinese a Milano” bart soin vürgetrakk vodar psikoterapeuta un psikoanalista Erica Ferrario, pitt Maudo Milanaccio (STAP). Dar trèff bart ren von asilo augelekk a Milån boda hatt geböllt lirnen in khindar zo maga vorstian sèlbart bia un baz zo tüana daz péste vor sé.
Dar lest trèff bart soin atz 12 von herbestmånat 2026, pitt: “Fachinelli: fidarsi dell’inconscio”, konferentz von filosofo un schraibar Sergio Benvenuto pittar Veronica Cattani (STAP). Dar trèff redet atz bia 'z stèlltze inn dar pensìaro von Fachinelli afte umsinnen azpe kraft, in di psikanalitische studje vo soinar zait.
Di trèff soin gepuntet fra sé umme in pensìaro von Elvio Fachienelli: er iz gest a bichtegar psikoanalist vor 'z Beleschlånt un soi pensìaro iz no bichte haüt zo vorstiana bia 'z bèkslnda di laüt, di kultur un di bèlt.
Zo bizzasan mearar un innzoschraibase online makma gian aftn sito www.lusern.it odar årüavan in Kulturinstitut aftn info@lusern.it odar aftn nummar 0464789645.
Übarsetzt von Kamou vo Lusérn
