Chiò i detaes de la scomenzadiva.
Desche dit bel avisa, l abonament se pel l comprèr te la bilietaries de “Trentino Trasporti” e “Trenitalia Spa” a peèr via con en jebia ai 28 de mé 2026 e i lo podarà domanèr chi che à la tessera nominativa “lurieranc e etres” e chi che à la tessera nominativa “penscioné” (categorie A, B e D).
La zedola de viac la dèsc l derit de poder s’emprevaler de chisc servijes:
- Corieres e servijes urbans e extraurbans de “Trentino trasporti” SpA
- Ferata “Trento-Malè-Marilleva”
- Ferata de la Valsugana anter Trent e Primolan
- Ferata del Prener (fora che per i servijes IC, EC, Frecce) anter Borghetto e Mezzocorona/Ora (la stazion de Ora se pel la durèr demò per viajes da o per la Val de Fiem e la Val de Fascia; resta fora la stazions per montèr/desmontèr de Salorn, Magrè/Cortaccia e Egna)
- Forenadoa “Trento-Sardagna”
Chi che no i à jà la smart card i pel la domanèr col scriver ite l formulèr aposta (desponibol ence online ), semper très i ofizies de “Trentino trasporti” e “Trenitalia”; la tessera la vegnarà te pec dis al cost de 4 euro (apede ai 20 euro del abonament trimestral).
Amò apede la Jonta l’à metù jù ence la modalitèdes de refonuda. Chi che à jà n abonament per sie meisc o per dut l an
Che l tol ite i meisc del istà l pearà na refonuda proporzionèla, ma chesta la è subordenèda al fat che l temp che se sorapea l fossa de più che 30 dis. No l vegn pervedù enveze autra sort de compensazion per i abonamenc per la setemèna o per l meis, sibie urbans che extraurbans.
I tempes e la modalitèdes per la domana per la refonudes i vegnarà fac a saer dant che vae fora i 10 de jugn sui sic istituzionèi de la Provinzia e de Trentino Trasporti.
Traduzion di Servijes Linguistics e Culturèi del Comun general de Fascia
