![](/var/002/storage/images/media/immagini-comunicati-stampa/mocheno_dpcm_24ottobre_vademecum_copertina-image/3019919-1-ita-IT/MOCHENO_DPCM_24ottobre_VADEMECUM_copertina_imagefullwide.jpg)
Do òlla de regln as sai' kemmen u'ganommen en Trentin:
MEN MU' NÈT TRÈFFN SE ONT ANINNGEA'
Men mut se nèt trèffen en òlla de òllgamoa’platz, auser ver de òrbetn as en de protokoln verreglt sai’, en mear abia 6 lait, auser benn men ist lait as zòmmlem.
S ist vrai galòk kemmen ver de messn va de 1 ont va de 2 van òlderhaileng 2020, za lòng stea’ mear abia secks lait as de vraitoffer, asou za meing toalnemmen en de messn no de tròcht ont noch de regln ver za hòltn au de krònket.
Men mu' nèt de undònken mòchen.
Men mu nèt gea’ za vinnen de vrai’t oder de lait as men kennt, as stea’ en de tsunthaitstrukturn, auser en vòlln ver de beiln as men s derlab van vourstea’ner van strukturn hòt.
S sai’ augahòlten kemmen de òrbetn en plòtz gamòcht pet de òltn lait en de òltnzentrum oder endlecha.
BIRTN, BIRTHAISER, HÒNDLN
De òrbetn van birtn, van siaserainbirtn ont van aisbirtn sai’ vraigalòk va um vinva en de vria finz um òchta zobenz.
De òrbetn van birtshaiser sai’ vraigalòk va um vinva en de vria finz um zeichena zobenz.
Men mu trinken ont èssn en glaich tisch lai en viar lait, benn men nèt ist lait as zòmmlem.
S plaip vrai, en an iata stunn, de òrbet va birtshaus en de hoteln.
Men mu aus gem s èssn za trong vort finz um zbelva de nòcht, ober men mu nèt èssn en plòtz oder dernem.
HÒNDLN
De òllgamoa’lokaln ont òlla de tschefter, miasn ausleing en inngòng a tovl a de beil as tschrim ist biavle lait as meing zòmmstea’ en sèll plòtz.
Ver en moment men hòt u’ganommen za hòlten au de hòndlnòrbetn en de sunteger. S meing òrbetn lai de boteing van madesi'n, van zaitung ont van tabak.
SCHUAL
S geat envire de schual normal en kindergòrtn, en de earsteschual ont en de zboateschual.
S ist de moglechket ver de zboateschual va zboate tritt, benn s ist de noat, za trong envire de vèrrlear.
S meing enviregea’ de musikschualn inntschrim en de Provinzal Lista as gea’ no en de protoklln as sai’.
VER DE QUARANTENA
En kindergòrtn, en de earsteschual ont en de zboateschual va earste tritt, de quarantena kimmp gem en de gònze klasse benn s hòt zboa lait as hom der Covid.
Ver de zboateschual va zboate tritt, de quarantena kimmp gem en de gònze klasse benn s hòt lai a mentsch pet en Covid.
ÒLLGAMOA'VERKEARMITTLN
S kemmen versterchert de òllgamoa’verkearmittln af stross aus de stòtt asou za pòcken an numer va 65% va ausvilln.
S kimmp versterchert s lokal zuchverkeardinst, ont nou mear s stuck Rovereto-Trea’t, asou za villn aus an numer va 70% .
S kimmp versterchert s stòttverkeardinst en de stunnen en de beiln as de mearestn studentn noat hom.
BANDE, SINGER, MARK ONT ZÒMMTRÈFFN
S meing nèt gamòcht kemmen de zòmmtrèffn van bande ont van singer en sperreta platz.
S sai’ nou vraigalòk de trèffen en ausbendega platz benn men vèrr steat oa’s van ònder va zboa metre.
S meing nèt kemmen gamòcht mark ont zòmmtrèffen, ont s meing kemmen organisiart lai de groasn mark.
De tsunthaitmark ont de dinstmark meing kemmen gamòcht ober men miast nogea’ en de protokoln ver za kriang nèt der Covid19.
S meing nèt gamòcht kemmen de trèffen, de zòmmtrèffen oder òndra groasa trèffen ober lai benn de kemmen organisiart en vèrrvurm.
KULTUR ONT SPORTIV ÒRBETN
Men kònnt nèt mòchen vourstelln pet lait en de vourstellnsoln, en de cinema ont en òndra eirter ausbende aa.
S dinst za hòltn offet en de lait de museum ont de òndern innrichtn ont eirter va kultur, ist versichert no en de greas van lokaln ont en abia as de sai’ gamòcht, ont no biavle lait as gea’ vir.
Men kònn nèt gea’ en schbimmplòtz, en de zentrum ver en guatstea’, en de terme ont en de meivernsezimmer, men lòk aus lai de sèlln en de schual ont de òrbetn ver za stea’ pesser.
Ver en sport barn meing enviregea’ lai de kampionatn va profession ont de sèlln van nazionaln ont internazionaln dilettantn.
DE SKIPLATZ
Men ist noch za schraim òlla de regln ver za meing sa autea’.
ROTN
En de lait as hom mear abia simsk jor za gea’ zan mindestn mittl en de lait, za stea’ pet de lait as zòmmlem ont pet de lait as schaung va sei.
Za lòng nèt aninngea’ en haus lait as nèt zòmmlem, oder lai ver òrbet oder benn s noat ist.
Za mòchen mòchen de òrbet va hoa’m, benns moglech ist, en de òllgamoa’platz ont kan privatn as sai’ asn provinzallònt.
Za vinnen se abia minder as men mu.
En de studentn ont en de òrbeter as miasn gea’ af de òrbet oder za schual, aus va de sai’ gamoa’ va bou as de plaim, as de schelltn se nèt auhòltn en òndra saitn.
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
(Traduzione a cura dello Sportello linguistico della Comunità Alta Valsugana e Bersntol)