L Projet Banda Ultra Lèria (BUL), portà inant da Infratel e tel Trentin metù en esser da Open Fiber, en colaborazion con la Provinzia autonoma de Trent e Trentino Digitèl, l à l obietif de smendrèr l digital divide ti raions bienc. Più avisa Trentino Digitèl l à metù a la leta infrastrutures desche la condotes de cavi, col didèr coscita a smendrèr debel i cosć e i tempes de realisazion de la rei publica. De gra a la infrastrutura publica en fibra otica, la families e la fi rmes (en particolèr cheles turistiches) de Cianacei pel ades se emprevaler de na coleament ultraveloce, stabol e fidàbol.
Per meter en esser l servije, i sentadins i pel fèr aldò de la istruzions cassot:
- Verifichèr se l numer de cèsa l resulta esser corì dal servije: vèrda più avisa l sit de Open Fiber, a chesta piata https:/openfi ber.it/vertifica-copertura/
- Cerner fora l operador e l contrat co la tarifa che se vel
- Manèr ite la domana de ativazion a la firma che se à cernù.
Per aer didament i utenc i pel se oujer a Open Fiber tras l servije dedicà a la leta sul link: https://openfiber.it/contattaci/
Per aer informazions più avisa su la difujion de la fibra otica tel Trentin l é a la leta l portal www.trentinoinrete.it
Chest auter vèrech l testimoniea l empegn de portèr l’inovazion digitèla a la comunanzes del post, col arsegurèr na conescion che va dantfora i tempes per n Trentin semper più coleà.
Traduzion di Servijes Linguistics e Culturèi del Comun general de Fascia
