I cartieres con fit sostegnibol i é de proprietà o a la leta de ITEA S.p.A., dac a fit con n priesc sostegnibol a families che à i requisic pervedui e che stenta da n pont de veduda economich o che vif te na condizion de dejèje abitatif.
Da l an passà se pel portèr dant la domanes demò online tras l servije “Stanza del cittadino” a la leta su la piata internet de la Comunitèdes de val o del Raion Val de l Adesc (Comun de Trent).
N’outa fat l’azes, l domanant l podarà vardèr dantfora la carateristiches di cartieres a la leta, con ence l numer (minimal e massimal) di componenc de na familia che pel jir a stèr te vigni cartier.
Se no cognessa esser cartieres con carateristiches adatèdes a sia familia, o no fossa proponetes alternatives, se pel scriver ite online la “Segnalazione del bisogno abitativo”, semper co la Stanza del Cittadino e i servijes online istituzionèi de referiment.
Dant de portèr dant la domana se cogn aeer fat l’atestazion ICEF, che revèrda la condizion economica-patrimonièla de la familia per chela che vegn domanà l cartier.
Autra informazions a la leta su la piata internet: https://www.provincia.tn.it/Servizi/Servizi-offerti-da-altri-enti/Locazione-di-alloggio-a-canone-sostenibile .
Service filmac per endrez del Ofize stampa a chest link
Assessor Marchiori
Traduzion di Servijes Linguistics e Culturèi del Comun general de Fascia
