Dai 12 ai 26 na oportunità neva per portèr dant la domanes
Arlevament de la eves, orì endodanef l avis per i contribuc
Traduzione in ladino
[Ladino] Vegn orì endodanef i termins per portèr dant la domanes de contribut a didament del setor del arlevament de la eves per la campagna 2026/2027. La Provinzia met fora n avis nef per ge dèr l met ai arlevaeves enteressé de se emprevaler de la ressorses amò a la leta tel ambit di intervenc pervedui da la ‘Politica agricola comune’ (PAC).
“Aon dezidù de orir endodanef l avis per meter a desposizion del compart duta la ressorses amò a la leta – sotrissea l assesor provinzièl a l’agricoltura Giulia Zanotelli-. Do l prum termin, apontin, resta zirca 90 mila euro che se pel dèr fora a de neva domanes. Se trata de na oportunità concreta per i arlevaeves e de na vida per durèr fora duta la ressorses metudes a la leta per didèr n setor emportant per l’agricoltura, per l’economia del teritorie e per l stravardament de la biodesvalivanza”.
Chest nef trat de temp per portèr dant la domanes l sarà dai 12 de otober enscin ai 26 de otober del 2026 da les 13.00.
Per la campagna de la eves 2026/2027 la Provinzia à stanzià en dut 273.746,14 euro. Al prum termin, stat ai 30 de setember, l é stat portà dant domanes per n contribut en dut de 183.209,52 euro.
Resta donca a la leta 90.536,62 euro, da poder dèr fora col orir endodanef i termins.
La domanes les cognarà vegnir portèdes dant, dant da les 13.00 dai 26 de otober del 2026, tras azes al sistem informatif agricol provinzièl SRTrento a la direzion https://srt.infotn.it se pel azeder ence dal portal https://a4g.provincia.tn.it/
Traduzion di Servijes Linguistics e Culturèi del Comun general de Fascia
(cdt)
Immagini