Do untn a zòmmsetz van projektn as sai’ kemmen tschèrlt.
“ADES - Gem zaruck der bèrt va de hòntbèrk ver za gem zukunft en de pèrng van Trentin”
Projekt vourstellt van Alessio Ramundo ver de kategori "Bèrkn ont start-up".
Turch de zòmmòrbet zbischn de designer, de hòntbèrker ont de lokalgamoa’schòftn, der projekt bill unterstitzn s mòchen de mobln ont s zaig va holz ont va laimet pet èchta virm ont natural materialn. Der nu’m “ADES”, as trentiner bill song “iaz”, s doi unterstraicht de noat za miasn eppes tea’. Der projekt bill nèt lai eppes herrstelln ober der bill learnen, u’learnen ont aupaun zòmmpintn as tauern en de zait. S ist an paispil as men mu’ bider prauchen as gip bèrt en de pèrng abia plòtz bou za lem, nèt lai za denken. Turch a zòmmòrbet pet de tischler ont de lokal schnaideren, barts moglechkait sai’ za probiarn dirèkt en de boteing. ADES unterstitzt s augea’ va kloa’na bèrkn, zòmmòrbetn zbischn designer ont hòntbèrker. S sai’ sechen de umbèlt ist voursichte ont pet an nidern effekt. De materianl as kemmen praucht, abia s holz ont s laimet, sai’ natural, van plòtz ont men konnt sa bider prauchen. Derzua kemmen aupaut intergenerazionaln ont òrbet nètzn as versterchern s hearn se toalnemmer ont s lem van jungen asn lònt. Der zòmmpint pet de pèrgplatz ist nèt lai va aussicht, ober ver de birtschòft, ver de u’lear ont ver en sozial aa.
“Projekt Valle dei Laghi”
Vourstellt van Istituto Tecnico Economico-I.T.E. "Antonio Tambosi" va Trea’t ver de kategori “Schualn”, schualviarer Andrea Bezzi.
Der projekt, as tauert zboa jor, sicht de pèrngplatz abia platz za gem en bèrt ver za meing mòchen lòntmarketing ont asou organisiarn sporttrèffn aus van sai’na zaitn en Valle dei Laghi. S nimmp toal de dritte klasse van adrèss Turismus pet richtung “manager van pahòltechsport” as hòt u’gaheift a morfologische ont hidrografische, storische, sozial-birtschòft untersuach va de lòntschòft ont a suach van monumentn as nou hom a storische bichtekait. Nou, s kimmp gem voursicht en de offetkait, en de innhòltkait ont en de pahòltechkait. De untersuach keart en an ettlena sport, men hòt nou vour za gem bèrt en bider ausrichtn de pahalter as sai’ en òltn zentrum van derver, zòmm pet en network OSPITAR, pet en zil za gem ompòrt en an pahòlteche vurm en de turistn. Asou za meing gem naia moglechkaitn ver an “lonksom” turismus ont naia moglechkaitn va òrbet ver de jungen. Der projekt kimmp raicher pet en gilt gem en de hòntbèrkproduktn, abia der Bai’, s extravergine eil, der kas, s vlaisch, de fruchtn ont der hu’ne.
Arge Alp ist an òrbetgamoa’schòft gagrunt as de zbelva van schanmikeal 1972 ka Mösern en Tirol, pet en zil za stitzn de neat van alpineplatz as enteressiarn ungefèr secksaontzboa’sk milionen va lait. S sai’ toalnemmer va Arge Alp s Taitschlònt pet en Vraistòtt va Baiern, s Osteraich pet de Länder van Vorarlberg, van Tirol ont va Sòlzburg, s Baltschlònt pet de autonome Provinzn va Poazn ont va Trea’t ont de Region Lombardia, de Schbaiz pet de Kantonen van Grigioni, van San Gallen ont van Ticino.
Download van vrong do
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
