De toalnemmer barn meing klòffen iber de zukunft va de energi van Alpn, asou za trong as de tischer as de ausrotn mòchen bos as tschbinnen de nain generazionen. Sèll as bart araus kemmen, bart kemmen vourstellt bail der Zòmmtrèff van Stòtt Viarer van Arge Alp as bart kemmen gamòcht en herbest van 2026.
Programm
En vraita af de 10 van heibeger 2026
Aloa’ kemmen ka Vandans, en Land Vorarlberg (Osterraich) ont pasuach en de elèktrese zentral va illwerke
vkw, oa’n van greasestn as s elèktresch en de region ausgip
En sòmsta af de 11 van heibeger 2026
Workshop kan zentrum illwerke vkw ka Vandans ont, zobenz, toalnemmen en Poolbar-Festival 2026 ka Feldkirch
En sunta af de 12 van heibeger 2026
Zaruck aloa’
De toalnemmer as tschert kemmen sai’ barn kriang zolt de kostn van bias, van semm plaim ont van naieikaitn en plòtz, asou abia tschrim en de Nochricht. Men hòt bail finz en eirta af de 21 van oberel 2026 za trong inn de vrogn, no en de virm as tschrim sai’ en de Nochricht, ont men miast schicken de kòrtn per PEC en de adress serv.relazioniesterne@pec.provincia.tn.it.
Arge Alp ist an òrbetgamoa’schòft gagrunt as de 12 van schanmikeal 1972 ka Mösern, en Tirol, pet en zil za stitzn de neat as enteressiarn ungefèr 26 milionen va lait. De toalnemmer va Arge Alp sai’ Taitschlont pet en Vraistòtt va Bayern, Osterraich pet de Lender Vorarlberg, Tirol ont Salzburg, Balschlont pet de Autonomen Provinzn va Poazn ont Trea’t ont de Region Lombardia, de Schbaiz pet de Kantonen Graubünden, Sankt Gallen ont Tessin. Men vinnt òlla de nochrichtn af www.argealp.org .
Derzua: nochricht
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
