Di toalnemmar bartn mang khön daz soi übar da enerdjètege zuarkhemmane von Alpm, machante bizzan bazta pensàrn di naüng djeneratziongen in sèlln boda detzidarn. Bazta auvakhint vo disarn arbat, defatte, bart khemmen ufitzièll gezoaget dar Konferéntz von Schaffar von Govèrne vo Arge Alp auz pan herbest von 2026.
Progråmm
An vraita atz 10 von höbiat 2026.
Rivan zuar aniaglaz alumma atz
Vandans, in Land Vorarlberg (Österraich) gian z’sega da idroeletresche zentràl vo illwerke vkw, ummana von grözarstn vodar redjong.
An såntzta atz 11 von höbiat 2026
Workshop bodase bart haltn in illwerke vkw zentrum atz Vandans un, abas, nemmen toal in Poolbar-Festival 2026 atz Feldkirch.
An sunta atz 12 von höbiat
Aniaglaz kheart bidrumm alumma.
In toalnemmar boda soin khent zornìrt barten khemmen gezalt dar viazo, z’èzza un z’slava un bazta khint getånt sèmm asó azpe da iz geschribet in di meldung.
Di kandidatùrn tarfan khemmen inngètt vor an erta atz 21 von abrèl 2026 nå azpe da khint khött in di meldung schikhante allz durch PEC aftz serv.relazioniesterne@pec.provincia.tn.it .
Arge Alp iz an arbat kamòuschaft augelekk atz 12 von bimmat von djar 1972 atz Mösern, in Tiról, pinn zil z’arbata übar tème boda ågian alln in alpinar lentar un boda innvånk schiar 26 mildjü laüt. ’Z soinda toal vo Arge Alp, ’z Taütschlånt pinn Frai Stato vodar Bavìara, ’z Österraich pinn Länder Vorarlberg, Tiról un Saltzburg, ’z Beleschlånt pinn zboa autonome Provintzan vo Poatzan un Tria un pittar Redjong Lombardia, di Svaitz pinn Kantöü Graubünden, Saknt Gallen un Tessin. Alle di informatziongen boda soin mångl makmase vennen atz www.argealp.org .
Da gekhluppet di meldung
