‘Z iztase gemacht verte, gåntz garècht, da zboate editziong von Film Prais augelekk von METS
Alle di gebinnar von internatzionàl Prais Giuseppe Šebesta vor antropologesche film
Traduzione in cimbro
[Cimbro] ’Z iztase gemacht verte, un iz gånt gåntz garècht, da zboate editziong von “internatzionàl Prais Giuseppe Šebesta vor antropologesche film” augelekk con METS dar etnografesche Museo vo San Michel, boda von vraita 16 sin an sunta 18 hatt geschenkht an bochent raich pitt emotziongen.
Dar Prais, gåntz ume antropologesche dokumetardje vo haüt zo tage, hatt gehatt a groazan internatzionàl herhildar, haltante kunt ke ’z soinda gest 1200 film kandidàrt vo 121 State, ditza besteteget in groaz internatzionàl vèrt boda hatt dar Prais.
Dise di film boden iz khent gètt a prais: vor di sektziong lång film “Of lead and coal / Vo plai un kholl” filmpremiere in Beleschlånt (Fråntscha 2025) vo Thomas Uzan; vor di sektziong mittar film “Katran / Katråm” filmpremiere in Euròpa (Turkia 2026) vo Ali Rza Avc; vor di sektziong khurtz film hatta gebunnt “Very small dreams / Gåntz khlummane entrüam”,
Filmpremiere in Beleschlånt (Palestina-Fråntscha-Qatar 2025) vo I’timad Washah dar zboate prais iz gånt in film “The wedding of the Pir’s / dar borat tage vo Pir”, redjonàl filmpremiere (Turchia 2025) vo Yalçn Çiftçi; vor di sektziong “megesche herhildar. Süachan spurn vonar bèlt vorsbundart” filmpremiere in di bèlt (Bleschlånt 2026) von Piero Tumminello.
Di laüt håm gemak seng alle di 30 film finalistn (vo disan 27 filmpremiere) boda håm gezoaget un antropologesche bege, kontarante stòrdje von mentsch vo aniaglan kantòu vodar Earde, lazzante höarn di stimme vo kamöüschaftn, lentar un gebizza boda di groazan media nia lazzan höarn.
Di entnografesche film soin an blik afte bèlt un afte mentschhait. In an stòregen momènt boma höart hèrta khön ke bar soin alle gelaich ke ’z soinda khummane diferentzan, dise film zoang, anvétze, bia ’z mentsch in no guat zo kontarase durch ploaz sachandarn alle åndarst” asó hatta khött dar Edoardo Winspeare, redjìst, schenografo, produktór un vorsitzar vodar djurì.
Übarsetzt von Schaltarle vor di zung von Toalkamou vodar Zimbar Hoachebene
(cdt)
Immagini