"L trasport publich trentin l se conferma de an en an l servije che i studenc de la scoles de istruzion de secont livel i tol più bolintiera per jir a scola. Desche Provinzia pisson che sie fondamentèl ge arsegurèr tant ai joegn che a la families l met de durèr i coleamenc envers i zentres de istruzion sul teritorie, col favorir a na vida ativa l derit al studie ence tras la libertà de moviment sul teritorie. Tel medemo temp, col confermèr l sostegn de l'aministrazion ai studenc, ge sporjon l’oportunità de se mever sul teritorie a na vida sostegnibola, smendran i cosć ambientèi e sozièi del trasport privat”, l à despeigà l assessor a l'urbanistica, energia e trasporc, Mattia Gottardi.
La families les é envièdes a se cruzièr per temp de ciarièr l abonament aló da la casses dai biliec de Trentino trasporti o Trenitalia. Per duc i detaes su la modalitèdes de paament e per ciarièr l abonament se pel jir sul sit web de la Provinzia de Trent (su la piata: https://www.provincia.tn.it/Servizi/Abbonamenti-trasporto-studenti-delle-scuole-superiori ), olache vegn spezificà avisa ence co ciapèr l abonament debant per l quarto fi.
Traduzion di Servijes Linguistics e Culturèi del Comun general de Fascia
