VOR BEM
’Z mangda nemmen toal di studjént boda:
- gian in ditza schualdjar 2025/2026 in da zboate klasse von obar schualn boda innhaltn viar djar odar in da draite klasse von åndarn obarschualn boda innhaltn vünf djar;
- boda håm mindar baz 20 djar in lest tage guat innzomaga gem di vorsch;
- boda håm soin vonsitz in Trentino;
- boda, azpe ekonòmesche livèll, gehöarn inar famildja pittnan ICEF “Famildja” boda auzkhint von sèll boda khint gebunnt un von sèll boma hatt in djar 2024, geroatet åhevante von 15 von herbestmånat 2025, gelaich odar mindar baz 0,83.
BO
A schualdjar in a lånt auz vodar Européan Uniong.
INNHALT
Ma mage nemmen toal vor a gåntzez schauldjar (daz mindarste 240 tang) odar vor a halbez (daz mindarste 110 tang).
BIA INNZOGEBA DI VORSCH
Di vorsch zo haba in schütz bart mochan khemmen inngètt, lai durch di protzedùr online, vo di zene mòrgas von fintzta 27 bintmånat 2025 sin mittartage un halbez von vraita 09 hoachnach 2026 garade vodar websait: www.provincia.tn.it .
Dar schütz zuargètt iz allz ummaz gepuntet zo macha verte ’z schualdjar 2025/2026 åna zo haba formatìf schulln.
’Z gèlt untargelekk servìrt zo zala bazta khint gezért zo herbega di studjént in auzlånt, anvétze zornìrn baz vor schual zo giana zo macha steat zuar in studjéntn un soinen famildje. Di schütz boda bartn khemmen zuargètt bèksln nå in belz auzlånt ma geat zo studjara un vor biavl ziait (a gåntzez schauldajr odar a halbez) un bettana ICEF “Famildja” ma hatt.
In gåntzan soinda khent untargelekk 500.000,00 euro boda zuargem zo zala schiar vüchtzek schütz studjo.
Zo haba pezzarne informatziongen dar auzschraib Extra EU venntmen afte websait: www.provincia.tn.it .
Übarsetzt von Schaltarle vor di zung von Toalkamou vodar Zimbar Hoachebene
