De leistn van hourneng 2021, de balschn amministrazionen hom gem de meglechket za prauchen online de dinstn, lai pet strumentn va stòrcha digitalet identitat abia as sai' der Spid, de elektronische identitat kòrt (Cie) ont de krònkendinst kòrt gilte (Cns/Cps).
En Trentin de zait va bècksl van nai' sistem hòt tschechen de mittòrbet van Gamoa'n, gèltsgott aa en de òrbet va de Autonome Provinz va Trea't zòmm pet en Consorzio va de Trentiner Gamoa'n ont Trentin Digitalet.
De leistn van leistagest kimmpt nea'mer gilte, asou abia tschòk mearer vert en de dòin lestn mu'netn, de Security Card, der sistem ver za kriang de schlisslnbeirter ver za gea' drinn en de òllgamoa'n dinstn online. Za vongen u van sèll to de trentiner miasn se pakimmern za mòchen se a stòrcha digitalet identitat, abia Spid oder de Cps/Krònkendinst kòrt.
Spid: abia as funzioniart ont abia vrong s
Spid (Sistem va òllgamoa' digitalet identitat) ist s vurm vourtschbunnen van Balschlònt govern ver za meing drinn gea' en de òllgamoa'n dinstn, pet an oa'zega ont gabissa digitalet identitat as men mecht prauchen van computer, tablet ont smartphone.
Ver za hom de schlisslnbeirter van Spid ist gamiast vrong en an viarer va digitalet identitat zbischn de sèlln gilte van Dinst ver en digitalet balschlònt (Agid). En Trentin, gèlsgott en a konvenzion unterschrim pet en òllgamoa' regiar va de digitalet identitat “Lepida”, ist meglech vrong Spid dirèkt en de provinzaln tirln ont en a toal Gamoa'n, pet de hilf van u'stelltn.
Vour za vrong, online oder en dinsttirl, za innschraim se en Spid, de lait miasn se pakimmern za hom paroatet viar bichtega dinger:
- an giltegen dokument van balschlònt ver za kennen se (identitat kòrt, passaport, patent);
- de krònkenkòrt oder s kartl van fiscalet numer;
- der adrèss e-mail personal;
- der cellulare personal
S innschraim se en Spid ist moglech turch de sait va de Autonome Provinz va Trea't, bou as sai' derklort gònz oa'voch de saitn ver za innschraim se ont bou as ist tschrim de lista van tirldinstn Spid-Lepida en Trentin:
https://www.provincia.tn.it/Servizi/Richiedere-SPID
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
(Traduzione a cura dello Sportello linguistico della Comunità Alta Valsugana e Bersntol)
