Spòrt, spilar, un spass in spòrtcamp von Euregio
Dar sportìf camp disa editziong bartze haltn atz Malles in Vinschgau in setz vodar obarschaul "Claudia de Medici".
Di toalnemmar bartn vennen an raichan progråmm boda zuargitt zo maga machan mearare sachandarn saiz alumma saiz in squadra, azpe atletìk, orienteering, sbimmen, kanoa odar fussball, beach volley, spike ball, street racket, slakeline un åndre sachandarn no, zo macha alle pittnåndar. Dar progråmm vodar boch lekk vür darzuar zo giana ummar pa pèrng un workshop pitt laüt bodasen drinndarkhennen übar mearare sektör von spòrt. Alenatör muatarzung taütsch un belesch bartn helvan in djungen zo vorstianase un zo lirna, odar zo pezzra di zungen.
Organizatziong
Di toalnemmar bartn gian z’stiana in kolèdjo Viso Malserhof vo Malles. Zo nemma toal mochtma zaln 150 euro un drinn barta soin: herbege, èzzan un slavan, soin draugeschauget un alle di sachandar boda soin in progråmm. Balma sait inngeschribet bartma nemear mang håm bidrùmm ’z gèlt gezalt. Dar sportìf camp bart khemmen durchgevüart in dupplzung un alle di sachandarn bartn soin gemacht in di muatar zung von toalnemmar.
Innschraimbung von 27 lentz 2023 vo di 10.00 vort
Ma makse innschraim afte sportìf boch lai online åhevante vo di 10.00 von 27 von lentz 2023.
Ma bart khemmen ågenump nå un nå azta khemmen inngètt di vorsch un sin azta bart soin platz. Vor aniaglaz lånt von Euregio barta khemmen nidargelekk an roatordung von sèlln boda soin inngeschribet un mochan paitn zo khemma ågenump. Vor allz daz sèll boda iz zo mocha bizzan in möglich gian afte websait www.europaregion.info/sportcamp.
Übarsetzt von Schaltarle vor di zung von Toalkamou vodar Zimbar Hoachebene
