Di meldung mage khemmen genump abe vodar websait: www.provincia.tn.it/fse+, in di sektziong "Servizi e opportunità per le persone" un vodar websait: www.vivoscuola.it
Vor bem
’Z mangda nemmen toal di studjént boda:
- gian in ditza schualdjar 2023/2024 in da zboate klasse von trentinar viardjaregen licei odar in da draite klasse von åndarn obarschualn saiz in Trentino saiz auz provìntz o;
- håm nèt kompìrt mearar baz zbuantzekh djar;
- lem odar stian in di Provìntz vo Tria (berda nèt lebet ma steat lai mocht gian in a schual von Trentino);
- soin in a famildja boda hatt an ICEF vorz djar 2023 boda auzkhint von “Untzege Vorsch” untar in 0,60.
Dar voucher zuargètt bart khemmen auzgezalt lai azta khint gemacht verte ’z schualdjar 2023/2024 åna formatìf schulln.
Bo
Ma mage gian zo studjàra in auzlånt in a schual istitutziong boda hatt soin setz in a lånt vodar Européan Uniong odar in Uniong Raich.
Dar studjånt iz frai zo zornira sèlbart an bettan schual bege zo macha, baispil nemmen toal in vürlegom zo giana ummar vodar schual bodar sa macht, innschraimse atz progrémm boda khemmen vürgelekk vo emtar, feroine, adjéntzian boda arbatn in sektor zo macha ummar gian di studjént, süachan alumma beln bege zo macha gianante sèlbart zo zornira di schual bodar bill machan un vennenen alumma herbege.
Vor biavl zait
Di schual mage innhaltn a djar (daz mindarste 240 tang) odar lai vor bintsche zait (daz mindarste 110 tang).
Bia innzogeba di vorsch
Dar vorsch mage khemmen inngètt vo di noüne morgas von erta atz 7 von bintmånat 2023 sin daz umma in tages von fintzta atz 7 von kristmånat 2023 durch informatege protzedùr, nützante in SPID Sistema Pubblico di Identità Digitale.
Roatordnung un zuargem di voucher
Pittnar garedegen delibera barta khemmen ågenump dar roatordnung von vorsch boda soin khent gehaltet guat, nidargelekk nå in valór in krescharn von indikatór ICEF 2023 boda auvarkhint von “Uantzege Vorsch” 2024 un aftz ditza bartnda khemmen zuargètt soine voucher.
Zo haba mearare informatziongen makma vorsan:
Struttura Multifunzionale Territoriale Ad Personam
Bege Pranzelores, 69 – 38121 Tria
Von menta aftn vraita vo di achte un a halbez mòrgas sin di vünve un a halbez abas.
Grümma nummar: 800 163 870 – fax 0461 390707
e-mail: adpersonam.fse@provincia.tn.it
websait: www.provincia.tn.it/fse+
sektor servizi e opportunità per le persone, odar www.vivoscuola.it
Übarsetzt von Schaltarle vor di zung von Toalkamou vodar Zimbar Hoachebene
