Se pel tor ju l avis dal sit www.provincia.tn.it/fse+, te la sezion "Servizi e opportunità per le persone" e dal sito www.vivoscuola.it .
Destinatères
L vegn ametù a la scomenzadiva i studenc che:
- te chest an de scola 2023/2024 i fèsc la clas seconda di licees de cater egn trentins o la clas terza di percorsc de istruzion secondèra de second livel tel Trentin o fora da la provinzia;
- no i à amò compì i 20 egn;
- i é enciasé o domizilié te la Provinzia de Trent (l student domizilià l cogn jir a scola te un Istitut scolastich tel Trentin);
- fèr pèrt, a livel de condizion economica, de n nucleo familièr con indicator ICEF 2023 sot 0,60, aldò de chel che resulta da la “Domana Unica” 2024.
L paament del voucher che vegn recognosciù l è vincolà al fat de aer fenì l an de scola 2023/2024 zenza loces formatives.
Olà
L percors de istruzion a la foresta l cogn vegnir fat te na istituzion de scola che l’à sia senta te un Stat de l’Union Europeèna o de l’Inghiltera. Per l’organisazion del percors de scola l student l pel se endrezèr con modalitèdes ledies. Per ejempie, l pel tor pèrt a proponetes de mobilità di studenc metudes a jir da la scola da olache l vegn, l pel se enscinuèr a programes a la foresta metui a jir da enc, sociazions, agenzies che laora tel setor de la mobilità di studenc, l pel se projetèr enstes l percors col se cerir fora personalmenter la scola a la foresta e ence col se troèr la soluzion de olà jir a stèr.
Tempes
L temp del percors de istruzion l pel esser anuèl (amancol 240 dis) o per na pèrt (amancol 110 dis).
Prejentazion de la domanes
La domana per tor pèrt a la scomenzadiva la cognarà vegnir manèda ite a peèr via da les 9.00 dadoman de en mèrtesc ai 7 de november 2023, enfin da la 1 domesdì (da les 13.00) de en jebia ai 7 de dezember 2023 tras prozedura informatica, col durèr l SPID Sistem Publich de Identità Digitèla.
Graduatoria e assegnazion di voucher
Aldò de la domanes ametudes, co na determinazion aposta vegnarà aproà na graduatoria, metuda ju aldò del valor de crescimonia del indicator ICEF 2023 con referiment a la “Domanda Unica” 2024 e vegnarà assegnà i voucher aldò.
Per informazions se pel contatèr:
Strutura Multifunzionèla Teritorièla Ad Personam
Via Pranzelores, 69 – 38121 Trento
Dal lunesc al vender da les 8.30 – 17.30
Numer vert: 800 163 870 – fax 0461 390707
e-mail: adpersonam.fse@provincia.tn.it
sito web: www.provincia.tn.it/fse+ servijes e possibilitèdes per la persones, oppure www.vivoscuola.it
Traduzion di Servijes Linguistics e Culturèi del Comun general de Fascia
