Traduzione in mòcheno
Vlarotz, òrbetn ver za verpessern ont versichern der Provinzalbe 135
Bersntol, zuazoln ver zboa milionen va euro en Dps ver za baitern ont bècksln a toal kearn
S geat envire de programmazion van òrbetn ver za verpessern ont versichern der Provinzalbe 135 en Bersntol. De bichtestn òrbetn as kemmen gamòcht asn Provinzalbe 135, en de gamoa’ va Vlarotz, sai’ kemmen drinn galeik en Vourdokument va programmazion 2021 – 2023 ver de òrbetn as kearn en de infrastrukturn ont en de verkearmittln, as sai’ kemmen u’ganommen vour a kurza zait va de provinzal Junta no a vourstschbinn gamòcht van president Maurizio Fugatti, bou as zuazoln hòt ver 187 milionen va euro ver de òrbetn van gònze Trentin.
De òrbetn barn kostn 2.000.000 euro. Zbischn de kilometri 3,930 ont 6,650 van Provinzalbe 135 barts kemmen gabaitert de stros ont gabèckslt a toal kearn bavai runt bichte. “Der rif – derklort der Fugatti – ist der sèll as de lait as verpai gea’ asn sèll be, sai’ gabiss ont versichert”.
Der president tschbinnt as de nain òrbetn vourtschbunnen ont zuazolt “lòng sechen as de provinzal Amministrazion hòt vour s versichern ont s verspessern van verkear van gònze Bersntol, as peada de saitn van tol, as men kònnts sechen en de òrbetn as sai’ schoa’ kemmen gamòcht ont en de sèlln vourtschbunnen zòmm pet de lokaln amministrazion ont de gamoa’schòft”.
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
(Traduzione a cura dello Sportello linguistico della Comunità Alta Valsugana e Bersntol)
(cdt)
Immagini
