De padònkn sai' kemmen gamòcht van pirgermoaster va Garait as hòt gadenkt de òrbet as ist kemmen gamòcht en de ta van vaier van gruppn va vraibellega pompiarn va Garait ont van òndern gruppn van Vraibellegapompiarn ont van gamoa'n amministrationen aa.
Der vicepresident va de Federazion van Gruppn van Vraibellegapompiarn der Luigi Maturi hòt mear vert klòfft va de zòmmòrbet as ist kemmen gamòcht en an intervento asou kompliziart.
Der ispettor va de Distrettual Union va Persn, der Mauro Oberosler hòt gem a toal zeiln: ist gaben an òrbet va 12 ta as s vaier ist envire gòngen ont s sai kemmen verprennt 110 ettari va bòlt.
Der hòt er aa gèltsgott kein en de 13 gruppn van Distretto as sai' as en plòtz gaben ont en de 15 gruppn van Distretto van Valzegu' ont Tesin as hom gem a hònt ont nou de gruppn va Zifzen, Ravina ont Fornas.
Der trèff as ist kemmen gamòcht en sunta hòt tschechen an schouber lait as hom toalganommen abia an schouber amministratorn.
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
(Traduzione a cura dello Sportello linguistico della Comunità Alta Valsugana e Bersntol)
