“Atz Ala izta a gåntzez geloava, bar soin drå zo paita pitt ungedult in tage von 13 von madjo. I khü vorgèllzgott in vorsitzar Fugatti zo habanaz zornìrt azpe setz von vairta, ’ z bart soin an okasiong zo zoaga daz schümma un baz ’z magda opfarn ünsar stèttle: dar progråmm vånk inn mearare sachandarn vodar ünsar kamòuschaft, nimp inn di djungen, ma alle di åndarn o; durch Ala bartz soin möglich machan khennen in Euregio un di politike boda machan pittnåndar di drai lentar”, asó hatta khött dar pürgermaistar Soini.
Dar tage bartze offetüan pinn istitutzionàln trèff von 30° sitzung vodar Djunta von GECT Euregio Tiról - Südtiról - Trentino un da 25° sitzung vodar Vorsåmmelung hèrta von GECT, pinn vortretar von drai lentar, daz earst di drai vorsitzar.
Atz draitzane von Madjo 2023, darzuar, bartz soin dar Tage vodar mobilitét von Euregio, a guata okasiong zo gian aftz fèst vo Ala, boda khint khött “Statt pitt veludo” boda hatt storege palètz un traditziongen.
Dar progråmm lekk vür martsche von Schützen un von musìk bånde von drai lentar, kontzèrtn, markèttla, èrbatla vor di khindar, darzuar makma khemmen gevüart z’zega di schümman palètz vo Ala un eppaz khostn in di enotèk von Euregio, geèzza boda zuarkhint vodar gåntzan euroredjong.
Dise di trèff:
Di 10.00 tüatma offe di markèttla von stöff un von geèzza von Euregio – Palatz Taddei un kurtn
Di 11.15 hefta å di martsch von traditzionàln khnöpf un von hoachan von Euregio - Parco Bastie
Di 11.45 rifta di martsch un ufitziàl zerimonie zo geba in bolkhent – Platz San Giovanni. Di bånda vo Wilten spilt di musìk von Euregio
Di 12.00 tüatma offe in “Ristorånt von Euregio” pitt spetzialitét von drai lentar – Park Bastie un tüata o offe di “Enotèk von Euregio” boma mage khonstn in boi von drai lentar – Palatz Scherer
Di 14.00 gian z’sega di palétz gevüart vo laüt ågelekk azpe dise djar vodar Feroine von Velude.
Orario: di 14.00, di 16.00, di 18.00. ma venntze in Platz San Giovanni zen minuttn pellar. Aniaglana visita haltet inn 90 minuttn.
Di 14.30 abedekhan a gedenkhtafl zo gedenkha in Andreas Hofer drinn in prodjèkt “1809 afte tritt von Andreas Hofer” ’z bartnda soin di drai vorsitzar von Euregio – Kurt vo Palatz Taddei
Di 15.00 èrbatla vor di khindar “vo rüge atz saide” - di khindar lirnen bia ’z khinta gemacht di saide. Orario: di 15.00 un di 16.30. Ma makse innschraim sèmm – Park Pizzini (az hebat z’soina schaüla bèttar bartmase ziang inn in palatz Pizzini)
Di 15.00 kontzèrt von kòre von Euregio – kurt von Platz Taddei
Di 15.30 khinta gezoaget dar libar "Dittature di confine" geschribet vo Lorenzo Gardumi un Anselmo Vilardi, ’z bartnda soin di drai vorsitzar von Euregio – Platz Pizzini
Di 17.00 “Dar Euregio vor in Messner – draurenda pinn khüneg von 8000”. ’Z vüarta dar chef von Prèss Åmt vodar autonome Provìntz vo Tria Giampaolo Pedrotti - Teatro vo Ala
Di 20.30 kontzèrt von musìk knhöpf von Euregio – daz peste vo Upload –
Platz San Giovanni, pinn Rebel Roots, di Cannibali Commestibili, Bianca e Baiba
Di 20.30 Kontzèrt vodar Haidn Orkestra – åna z’zala sin azta bart soin platz – teatro vo Ala
Mearare informatziongen aftz www.euregio.info/festa
Da ågehenk: progråmm un maps
Foto un pildar von Prèss Åmt
Download pildar da: https://bit.ly/3nqP0Rb
Übarsetzt von Schaltarle vor di zung von Toalkamou vodar Zimbar Hoachebene
