Traduzione in mòcheno
"Sim to en Bersntol": men kònnt sechen an nain trèff
Der programm, gamòch van Bersntoler Kulturinstitut, kònnt men en sechen as en Trentino Tv
[Mòcheno] S kimmp bider galòk sechen der trèff van òllboch nochrichtzait va de bersntoler sprochminderhait. En doi trèff, as s ist der numer 954, an Provinzalrot ver de sprochminderhaitn: en eirta ka Trean’t hòt se gahòltn en earst trèff van Provinzalrot ver de Ladiner, de Bersentoler ont de Zimber, as s’hòm asou gamecht lòng bissn sèll as noat ist ver za gem bèrt en de sprochminderhaitn; dernò sai kemmen stimmt van òlla de toalnemmer van Provinzrot de drai risoluzion ver de sprochminderhaitn. Diego Moltrer ist kemmen gadenkt en sunta derbail as sai kemmen ausgem de preis kann Institut Marie Curie va Persn; der Institut “Marie Curie” zòmm en de Tolgamoa’schòft Hoa Valzegu ont Bersntol, Itas Assicurazioni ont de familia van Diego hòm en gabellt denken pèt an prais; de prais sai kemmen austoalt en sunta as de simzehna en glaiche to as Diego Moltrer storm ist. Claudia Marchesoni ist de nai viareren van Bersntol Kultur Institut; s’bart sai de Claudia ietz as bart entire gea pèt de orbet van Institut ver za gem bèrt en de kultur ont en de sproch va de Bersentoler minderhait.
Der programm, pfiart va de Antonella Moltrer ont gamòcht van Bersntoler Kulturinstitut, kònnt men en sechen òll boch as en Trentino Tv, òll somsta um 18.10 ont bider en sunta um 13.15.
