Traduzione in cimbro
Provintziàl öffentlesche emtar, von earst von hornung vort izta zbinglich dar base green pass innzogiana
Vürgelekk von natzionàl dekrèt von 7 hoachnach
Pinn natzionàl dekrèt gesetz nummar 1 von 7 von hoachnach, khinta inngevüart von earst von hornung vor alle zo maga inntretn in di öffentleschen emtar dar zbing zo haba in base green pass (ma hatten pittnan tupfar negatìf valido, darzuar pinn vatschino odar soin khent gesunt von Covid). Von earst von hornung, asó, innzotreta in alle di öffentleschen emtar, di sèlln provintziàln o, aniaglaz mentsch bart mochan zoang in base green pass odar di zertifikètt boda åstian. Berden nèt hatt, mage nètt inntretn. Ditza gedenkhta a lettar boda iz khent geschikht von Dipartimént vor di ågestèllte vodar autonome Provìntz vo Tria.
Zo kontrolara in base green pass alln in sèlln boda inngian, azpe ma sa tüat (pinn totem odar pittar app afte smartphone) bartnda soin di ågestèllte aftz tor von provintziàln palètz, bodada nèt soin dise, un in di lentar bartnz tüan di diridjéntn boda soin khent zornìrt vor ditza.
Übarsetzt von Schaltarle vor di zung von Toalkamou vodar Zimbar Hoachebene
(Traduzione a cura dello Sportello linguistico della Magnifica Comunità degli Altipiani Cimbri)
(cdt)
Immagini
