“N confront avert a duc – i conferma Fugatti e Zanon – zenza dezijions comanèdes, tel respet di besegnes e de la sensibilitèdes de la vals”.
“Te la scontrèda de chesta sera – disc apede l president Fugatti – é defat rebadii ai aministradores che la Jonta l à metù a la leta tel bilanz la ressorses tant per fèr su n nef fabricat che per restruturèr e adatèr l fabricat en esser, se i teritories i cernessa fora chesta opzion”.
Situazions donca amò da descorer fora te la scontrèdes publiches de la setemènes che vegn olache vegnarà analisà i argomenc a favor e de contra de duta does la ipoteses de projet, a cheles che tolarà pèrt – e chesta l é stat na condizion chièra domanèda dai ombolc – la Jonta provinzièla, vèlch tecnich de la Provinzia e de l’Azienda provinzièla per i servijes sanitères.
Traduzion di Servijes Linguistics e Culturèi del Comun General de Fascia
