Der grea’ numer ist kemmen austellt as de 25 van hournoung 2020, benn as de kronket u’pfònk ist, ont de doi òrbet za gem nochrichtn en de lait, ist envire gòngen òlla de doin mu’netn, lai nèt ver a kurza zait en summer. S sai’ kemmen mear as 200.000 u’riaf. De u’stelltn, nai’n lait as hom se ogabèckslt, kriang nou iaz mear as 1000 u’riaf asn to. S ist òlbe runt bichte de hilf as kimmp gem va de Balsch Roate Krait van Trentin as òll to gem de sai’ hilf ver za gem ompòrtn en de lait, untn de regiar va de Oa’zege Noat Zentral va de Provinz. De mearestn vrong en doi moment sai’ de sèlln ver za pèlzn se, ober s valn nèt vrong as de gasetzn as gilte sai’, ont nou as de zaitn as men miast innsperrt hoa’m plaim, as de tamponen ont asn umkearn van auslònt.
Men denkt nou as der numer 800 867 388 ist an grea’ numer ver en Coronavirus, za mòchen ver za vrong nochrichtn technik-tsunthait asn virus Sars-Cov-2, as mosnemm ont schòffen, as de umkear, asn meivern se, abia as sai’ de lander, tamponen, zaitn as men miast plaim innsperrt hoa’m ont nou va hilf ver za mèlln se u’ ver za pèlzn se. Der 112 in an Oa’zege numer va Noat va Hilf, za riaven u’ lai benn men schecket noat hòt va docktern, karabiniarn oder van pompiarn ont nèt ver za vrong nochrichtn.
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
(Traduzione a cura dello Sportello linguistico della Comunità Alta Valsugana e Bersntol)
