Destinatères de la scomenzadiva
L Avis l perveit na prozedura per troèr fora e selezionèr n. 90 benefizières per i percorsc de tirocinie a la foresta da meter a jir endèna l trat de temp istà-uton 2024. La scomenzadiva l é per:
Sort A) – 70 posć per studenc che fèsc tel an de scola 2023/2024 l IV an, de la scola trentina auta, tant publica che paritèra, e l III an di licees de cater egn trentins (e donca del Liceo de cater egn de la scienzes umanes Istitut Sacro Cuore de Trent, Liceo de cater egn Steam C.F.P. G.Veronesi de Rorei e Liceo scientifich de cater egn M.Martini de Mezlombart);
Sort B) – 20 posć per chi che se diplomea tel an de scola 2023/2024 del sistem trentin de la scola auta e chi che se diplomea tel sistem de istruzion e formazion profescionèla, tant publica che paritèra.
Trat de temp del projet
I trasferimenc, per tirocinies, te aziendes/organisazions a la foresta (paijes de la Union europeèna), i arà na regnèda de 4 setemènes per i destinatères Sort A) studenc, che i pel vegnir recognosciui ence desche alternanza scola-lurier, e de 16 setemènes per i destinatères Sort B) diplomé.
Fèsc pèrt del percors ence i momenc che enjigna al trasferiment e la dì de assistenza tel moment de retorn a cèsa.
Olà
I lesc per i trasferimenc i vegnarà troé fora, a presciapech, te chisc paijes:
IRLANDA/MALTA – Lengaz de lurier ingleis
GERMANIA – lengac de lurier todesch e/o ingleis
SPAGNA – lengac de lurier spagnol e/o ingleis
BELGIO – lengac de lurier franzous e/o ingleis
Cosć
L’Aministrazion provinzièla la cour deldut chesta speises:
• Formazion per se enjignèr al trasferiment;
• Viac per jir e vegnir (ferata, coriera o aereo);
• arsegurazion (risesc, azidenc e responsabilità zivila) per duta la regnèda del trasferiment a la foresta;
• endrez del program de tirocinie tel Paisc de destinazion;
• cost e cartier (te residenzes o families che dèsc alberch);
• trasporc locai a la foresta;
• atestazion de l’esperienza fata.
Informazions
L projet M.E.T.A. Mobilità Europeèna, Tirocinies e Aprendiment l é gestì dal Ofize Università e Fons europeègn – Servije formazion profescionèla, formazion terziaria e funzions de sistem del Partiment Istruzion e Cultura, Proviniza autonoma de Trent, col didament de la Strutura Multifunzionèla de Raion Ad-Personam
Mail: ka1smart@provincia.tn.it
Telefon: 800-163870 (Strutura Multifunzionèle de Raion Ad-Personam)
Sit internet: https://www.vivoscuola.it/meta
Traduzion di Servijes Linguistics e Culturèi del Comun general de Fascia
