“Dar Lusérnar Boinichtn”, gedenkhtaz dar diretor Nicolussi Paolaz, “iz ormai a traditzional trèff vor Lusérn. ’Z iz nètt lai eppaz istitutzionale, ma a vairta vor alle. Pitt dazzel bodaz khön üsarne arbatar, böllbar zoang bazda khint getånt vor üsar kultur.
Darzua, disar trèff, iz okasiong zo maga vorstian pittnåndar baz ma mage un mucht tüan vo üsar zung. Zo halta lente üsar gereda, muchtma arbatn alle pittnåndar, famildje, istitutziongen, laüt alle. Vor ditza dar Lusérnar Boinichtn iz bichte zo macha vorstian ke alle pittnåndar muchpar haltn disa zung, uanzege in de bèlt.
I khü vorgèllz Gott alln in kolaboratör boda arbatn vor allz ditza. Dazzèl bodar tüat iz bichte zoa azta dar Kulturinstitut sai nètt lai an platz vo kultur ma offe alln in Lusérnar un dar zimbar mindarhait”.
An lestn von trèff, barta singen di Corale Polifonica Cimbra, un darnå barta soin eppaz z’ezza vor alle.
Übarsetzt von Schaltarle vor di zung von Kamòu vo Lusérn
