L 25° cedean de la Lege 482/99
La Lege 482/99 l é n pilèster tel stravardament de la mendranzes linguistiches storiches te la Tèlia. De gra a chesta normativa, l é peà via projec educatives, culturèi e de comunicazion che i à didà la tutela di 12 lengac de mendranza sul tegnir de la Tèlia e de sie melaur storich e culturèl.
Tel convegn vegnarà fat n bilanz de na lege che l é l fondament de n emportant ejercizie democratich.
Endèna l convegn vegnarà portà dant i resultac arjonc te chisc 25 egn e se descorarà de la neva endesfides, col ge dèr luster soraldut a la oportunitèdes sportes da la tecnologia e da la rees teritorièles.
Nasc la Sociazion “Articolo 6”
Endèna l event vegnarà portà dant ofizialmenter la Sociazion “Articolo 6” proponeta da desvalives atores che se dèsc ju col stravardament de la mendranzes linguistiches. La sociazion se ispirea a la Costituzion talièna se metan dant de engaissèr l dialogh e la colaborazion anter comunitèdes linguistiches e de didèr do la tutela di lengac de mendranza desche element fondamentèl del patrimonie culturèl talian.
Chesta strutura soziativa che l é do a nascer la vel se oujer no demò al mond istituzionèl ma ence a soraldut a chel de la sociazions, che l raprejentea l cher vif del ativism e del stravardament linguistich.
N envit a tor pèrt
L event l é avert al publich e ai media aldò de enscinuazion per mail a associazionearticolo6@gmail.com dant che sie fora i 10 de dezember del 2024. Tor pèrt l é debant, ma l numer de azes sarà limità.
Notes per la stampa
Vegn domanà de se acreditèr dant che sie fora i 9 de dezember del 2024. Per informazions e detaes se pel tor contat col endrez per mail.
