Giovedì, 09 Dicembre 2021 - 14:30 Comunicato 3566

Traduzione in ladino
L president de la Provinzia autonoma l’à sotscrit la ordinanza sul Coronavirus

L met dant desposizions e deschiarimenc dintornvia l’obligh de se vazinèr, la regoles per i impianc portamont e la strutures abilitèdes per fèr i tampons

L president de la Provinzia autonoma Maurizio Fugatti l’à sotscrit l’ordinanza numer 83 en cont de la desposizions per la prevenzion e la gestion de l’emergenza sanitèra Covid-19. L test l dèsc desposizions spezifiches de prevenzion per i impianc portamont, stabilian la modalitèdes de azess e la cantità de persones che pel su aldò de la sort de impiant (avert o serà).
Per la forenadoes de Trent-Sardagna e de Mezzocorona vegn metù en doura la desposizion en cont de trasport publich local ence per chel che vèrda la regoles de cotanta jent che pel ite.
Il palazzo della Provincia autonoma di Trento [ Foto Paolo Pedrotti - Archivio Ufficio Stampa CCBY-NC]

Vegn spezificà dapò, aldò de la neva desposizions nazionèles fates fora dal goern ti dis passé per l personal che laora tel ciamp de la defendura, segureza e socors publich, chi che à l’obligh de se vazinèr: se trata ence di Studafech permanenc e del Servije forestal de la Provinzia autonoma.

L’ordinanza la perveit de meter en esser aló da l’Azienda provinzièla per i servijes sanitères n register provinzièl de la strutures che fèsc test antigenics spedienc per dèr fora l zertificat vert Covid-19, abilitèdes a la comunicazion di ejic di test medemi tras l’aplicazion endrezèda da l’Azienda provinzièla per poder meter ite l’ejit tel sistem de notifica.

Vegn spezificà tinultima la definizion de atività de restorazion o de dèr fora bèsć e beandes a l’averta per poder meter en doura delvers la desposizions del zertificat vert Covid-19 (Green pass).

Te l’enjonta l test de l’Ordinanza.

Traduzion di Servijes Linguistics e Culturèi del Comun general de Fascia
(Traduzione a cura dei Servizi Linguistici e culturali del Comun general de Fascia)

(cdt)


Immagini