Da enlouta en cà l’é stat endrezà sacotanta scomenzadives anter i trei raions, tropa de chestes les é jites inant tel temp. Da recordèr per ejempie, cheles endrezèdes ti setores di joegn, de la mobilità, de la enrescida, de l’ambient e de la protezion zivila, de la cultura.
Chest an l’é stat dedicà soraldut a la cultura tras l’An di Musees de l’Euregio. L valor enjontà del Gect, per chel che revèrda la pèrt politica l’é stat chel de ge dèr l met ai trei raions de jir tel fon de la relazions e de arjonjer ejic miores che chi che se aessa arjont da soi.
“Dò 10 egn de Euregio – sotrissea l president de la Provinzia autonoma de Trent, Maurizio Fugatti – se pel veder coche la cooperazion anter i trei raions la sie doventèda più forta. Sacotenc l’é stat i projec concrec che i é stac metui en esser e che i arvejina i sentadins a l’Euregio. Peisse che l strument del Gecr sie stat bon de palesèr te chisc diesc egn sia percacenza e donca ge vel che l vegne renforzà a na moda da tor ite amò de più la istituzions e la popolazions del Tirol, del Sudtirol e del Trentin”.
Traduzion di Servijes Linguistics e Culturèi del Comun general de Fascia
(Traduzione a cura dei Servizi Linguistici e culturali del Comun general de Fascia)
