Traduzione in ladino
L Consei di Comuns del Euregio l se à binà a Ciavaleis
En vender ai 21 de messèl l é stat aproà na mozion per n pian comun de contra l becherle endèna la sentèda del Consei di Comuns del Euregio, stata a Ciavaleis tel chèder de la Dì di Comuns 2023, per chela che l é stat endrezà scontrèdes e evenc desvalives, per sostegnir amò de più la colaborazion anter i teritories.
La mozion la envia l’aministrazions de la Provinzia autonoma de Trent, de la Provinzia autonoma de Busan e del Land Tirol a tor su scomenzadives per meter a jir strategies percacentes sora la seides fora contra l sparpagnament del becherle, ma ence per chel che vèrda l bater ju la piantes e la doura del legnam roinà.
“L’emportanza de chest orghen del GECT l’é chela de poder meter a jir projec e scomenzadives pissèdes per l sentadin. Didèr l’aministrazions di trei raions a fèr più sorì l dialogh per troèr fora soluzions concretes a problemes reèi l é de segur tel esser de noscia istituzion” à declarà Elisa Bertò,
secretèr generèl del Euregio.
L Consei di Comuns l é n orghen consultif de la Jonta del GECT Euregio, metù adum da chinesc membres, cinch per vigni raion, metù su aldò del prinzip per chel che se vel fèr arvejinèr i sentadins a l’istituzion euroregionèla e i vegn donca scuté en cont di besegnes e de la proponetes che pel vegnir jontèdes ite ti programes de lurier del Euregio, aldò di besegnes del teritorie, acioche ge sie coerenza tel lurèr a livel euroregionèl.
Te la scontrèda de Ciavaleis l é stat ence n passaje simbolich de la encèria tras la consegna de la ciampèna del Consei di Comuns del Euregio anter l president del Consorzie di Comuns Trentins Paride Gianmoena e l President del Consorzie di Comuns del Sudtirol Andreas Schatzer. Chesta azion simbolica la vegn dant del passaje de la presidenza del Euregio che vegnarà fat a la fin de setember anter l president Maurizio Fugatti e l president Arno Kompatscher.
Fotoservije per endrez del Ofize Stampa
Traduzion di Servijes Linguistics e Culturèi del Comun general de Fascia
(cdt)
Immagini
