Traduzione in ladino

L’ Avocatura de la Provinzia per i enc strumentèi: sotscrit anché trei convenzions

Patrozinie, defendura en giudizie e didament legal: l’Avocatura de la Provinzia la pel vegnir autorisèda da la Jonta a se meter a la leta debant per i enc strumentèi che sencajo i domanassa didament. Se trata de na colaborazion perveduda da na lege provinzièla per razionalisèr la gestion de la costions legales, ence con chela de fèr sparagnèr la aministrazions publiches.
Anché l President de la Provinzia l’à sotscrit la convenzions che despon en cont de la colaborazion anter l’aministrazion provinzièla e trei Enc strumentèi che, donca, i podarà se emprevaler de la capazitèdes e de l’esperienza tecnica de l’Avocatura, soraldut canche l’é costions de relevanza particolèra.
I raprejentanc istituzionèi di Enc en costion, che l’é l Museo “Ciastel del Buonconsiglio, monumenc e colezions provinzièles”, l Museo de la usanzes e tradizions de la jent del Trentin e l’Istitut Zimber/Kulturinstitut Lusern, i era anché te la senta de Piaz Dante a Trent per sotscriver la convenzions.