“Konzert Euregio”, gester kan Auditorium va Trea’t de jungen musikanten van drai lander
Martedì, 19 Settembre 2023 - 17:52 Comunicato
2680
Traduzione in mòcheno
“Konzert Euregio”, gester kan Auditorium va Trea’t de jungen musikanten van drai lander
Der riftrèff van projekt as de earste musik u’lear u’pfonk va de trentinische presidenz van Euroregion
Nomitto kein zobenz van sunta as de 17 van leistagest kan auditorium S.Chiara va Trea’t ist kemmen gamòcht der konzert va de Musikschualn van Euregio, an trèff as schea ist gaben ver de lait as sai’ kemmen za lisn en. De toalnemmer sai’ gaben junga musikanten van drai lander. En u’vong hon gagaik de Banda Giovanile SM “A.Vivaldi” va Poazn, augongen pet en Music Camp van 2022 pet junga toalnemmer van 12 finz as de 17 jor, derno de musik van viar junga sassofonistn JuNoMoDa4, va de Musikschule Überetsch Mittleres Etschtal, zommgaleik en 2021 en de Musik Schual Unterland, as hòt gamòcht an schouber konkursn as guat gongen sai’, konzertn ont video. Derno nou de Gesangsstudio Do-RE-MI va de
Landesmusikschule Telfs, bou as de kinder va de 5 as de 15 jor learnen za gaing, singen, ont teatro mòchen. Derno der original grupp pet vinf gaing van Accordions Ensemble va de Musik Schual van Primiero.
S hòt sperrt der konzert de Jung Orchestra van Archi van Euregio, gamcòht va 30 junga van Musik Schualn van Trentin, van Tirol ont Sudtirol, junga va 11 finz as de 15 jor.
En trèff hòt toalganòmmen de general sakretare van Euregio de Elisa Bertò. Der dòi trèff hòt zoagt an bichtegen tritt ver de gschicht ver en projekt ver za learnen de earste musik en de lander va de Euroregion.
I sassofonisti JuNoMoDa4, della Musikschule Überetsch Mittleres Etschtal (Alto Adige) [
Foto Euregio]
Pet an rif va zòmmòrbet zbischn de stòttn, der Euregio unterstitzt naikaitn ver za pahòltn de musiklear van jungen, iberhaup van sèlln as hom zbischn de 6 ont de 18 jor, a zait as runt bichte ist ver en verstea’ de musik en an iata gamoa’schòft. Ver dòs en vourder prochet, en Trea’t, sai’ vourstellt kemmen mearera musiklearvirm bail an trèff en beil as toalganommen hom de bichtestn auskennlait van musikschualn van drai lender van Euregio - musikviarer, schualviarer ont learer, ont konservatorviarer aa. S ist arauskemmen as de autonomen provinzn va Trea’t ont Poazn ont der Land Tirol unterstitzn a musiklear en mearera virm. De Provinz va Trea’t zan paispil unterstitzt bolten de lear va draizen privatschualn as hom a toal kritern: de sai’ mear abia 5000 de schualern as toalnemmen en de doin schualn. En Sudtirol de musiklear ist de musiklear derekt va de Provinz unterstitzt, ont en Tirol ist nou mear ònderst. Der rif van trèff ist der sèll gaben za verglaichern òlla de learvirm van lender van Euregio. En sèll moment aa hom de musizistn van drai lender van Euregio sechen galòk as de birkle braf sai’ pet an zòmmstrumentnkonzert en ausbende en Piazza Dante.
Letrattdinst kuriart van Euregio. Pilder no en Druckomt va de Autonome Provinz va Trea’t
