Traduzione in mòcheno
Klòffen pet de Sprochminderhaitn: en pfinsta as de 24 bart se hòltn der druckzòmmtrèff ver za stelln vour
Der zòmmtrèff bart kemmen schaung galòck dirèkt as Facebook va um 11.00
"De sprochminderhaitn sai’ bichte: de suach sozialsproch gamòcht va de Universitet va Trea’t” ist der titl van earste òllgamoa’trèff pet de sprochminderhaintn van Trentin. Der bart se hòltn en de leistn to van prochet ont s bart toalmòchen va mearer trèffn “Klòffen pet de Sprochminderhaitn”. S barn sai’ zòmmtrèffn tschbunnen ver za klòffen pesser van sòchen as zuakearn en de ladiner, en de bersntoler ont en de zimbern. Der trèffn barn offet sai’ en òlla de lait as stea’ en provinz, aa bavai de mòchen toal va de politik va de Autonomi.
En Pfinsta as de 24 van prochet um oa’dleva en de vria bart se hòltn der druckzòmmtrèff en Belli sol, bou as bart vourstellt kemmen der projekt, as bart kemmen schaung galòk dirèkt as Facebook en adress://www.facebook.com/provincia.autonoma.trento/ .
S barn toalnemmen en zòmmtrèff der provinzalconsiliar ont vicepresident van Regionalrot Luca Guglielmi, de viarer van Dinst van lokal sprochminderhaitn ont europeisce audit PAT Giuliana Cristoforetti, de learer va Sproch kan Dipartiment va Literatur on Filosofi va de Universitet va Trea’t ont birtschòft vourstea’ner van projekt va de suach socialsprochsuach CLAM 2021 Patrizia Cordin, ont der learer va Etnosproch ont Sproch kan Dipartiment va Bischòftmentsch ver de u’lear “Riccardo Massa” va de Universitet va Milan Bicocca Gabriele Iannaccaro. Vour za riven der trèff barn kemmen gamòcht de grias van President va de Autonome Provinz va Trea’t Maurizio Fugatti.
Men vrok en de u’stelltn as belln sai’ en trèff za melln se u’ vour um sima zobenz van mitta as de 23 van prochet asn adress: uff.stampa@provincia.tn.it.
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
(Traduzione a cura dello Sportello linguistico della Comunità Alta Valsugana e Bersntol)
(cdt)
Immagini
