Video formàt boda zoang bo ma magat gian zo machanen a khear.
Nå in stadjongen khinta khött bo ma magat gian zo machanen a khear in plètz boda håm stòrege un kulturàl vèrt azpe dar platz boda khint gedenkht dar Andreas Hofer a Mantua odar Castel Heinfels in Tirol odar di traditziongen von Klöckeln nècht in Saar tal. Di video aftz dise saitn z’sega mang khemmen ågeschauget durch an kòditze QR afte web sait von Euredjo.
Vor di khindar: dar viazo von adlar Tiri un soi tschellele Anna.
Vor di khlümmanarn dar kalandardjo Euregio 2022 lekk vür an viazo zo khenna in Euregio pittnåndar pinn adlar Tiri un soi tschellele Anna. Di adventùrn von zboa figùrn makmase o vennen in puach zo vèrba EuregioFamilyPass.
Bo ma mage vennen in kalndardjo
In Trentino bartar khemmen auzgètt von emtar vodar autonome Provìntz vo Tria boda soin ummar in di lentar un in infotmatziong åmt vo platz Dante un in naüge setz Casa Moggioli boda di laüt mang håm in kalandardjo sin azza soin verte magnate zornìrn zbisnen in sèll auzohenga afte mauro dar zo postara aftnan tisch.
Ma bart msng åhevan zo habanen von 13 von kristmånat vort. Da gekhluppet alle di plètz bomen mage vennen in Trentino un a ke ora.
In Südtirol bartnsa khemmen auzgett, sin aztara soin, in alle di sanitér plètz. Afte statziong vo Poatzan izzar khent auzgètt åna nicht z’zala alln in sèlln boda håm genump in trèno in di tang von 7 un von 9 von kristmånat.
Dar kalandardjo mage soin gesek pellar:
Klandardjo zo henga afte maur: https://bit.ly/EuregioWandkalender2022
Klandardjo zo postàra aftnan tisch: https://bit.ly/EuregioTischkalender2022
Übarsetzt von Schaltarle vor di zung von Toalkamou vodar Zimbar Hoachebene
(Traduzione a cura dello Sportello linguistico della Magnifica Comunità degli Altipiani Cimbri)
