Di lestn von hornung 2021, di offentlisce vüarum håm inngerichtet di didjital servitzi, pitt digitalidentitét, azpe Spid, elektronik identitètkart (Cie) odar gesunthaitkart (CNS/CPS).
In Trentino di Kamoündar, pittar Provintz vo Tria, dar Consorzio dei Comuni Trentini un Trentino Digitale, håm inngerichtet di naüng sistemi vo zertifikation.
Von estn von herbestmånat makma nemear nützan, azó azpe ’z iz khent khött ettlane vert in di lestn månat, da Sicharkart, sistèm innzogiana in di offentle servitzi online. Vodar sèlln data vort, di trianar muchan håm odar in Spid odar di CPS/Gesunthait kart.
Spid: bia ma nützten un bia ma vorsten å.
Spid (offentle sistèm vo didjital identitét) iz bazda hatt inngerichtet dar belese Governo zo giana inn in di servitzi online vodar belese offentle vüarum, pittnar uantzegen didjital identitét, boma mage nützan von komputer, tablet un smartphone.
Zo haba di credentzialn vor in Spid, muchtma gian kan an djestor vo didjital identitét darkhennt vodar Agenzia vor ’z didjital Beleschlånt (Agid). In Trentino, makkma vorsan in Spid in di provintzal büro un in zèrte Kamoündar o.
Vorma vorst zo schraibase inn in Spid, online odar in di büro, muchtma håm viar sachandar:
- an dokument zo gebase zo darkhenna (identitétkart, passapòrt, patente);
- gesunthaitkart odar fiskalkart;
- a e-mail darsoinen;
- an telefonì darsoinen.
Ma mase innschraim in Spid vodar sait vodar Autonome Provintz vo Tria, boda soin nidargeschribet alle di sachandar zo macha nå un nå, un boda iz di lista von büro Spid-Lepida von Trentino: https://www.provincia.tn.it/Servizi/Richiedere-SPID.
Übarsetzt von Türle afta Zimbarzung von Kamou vo Lusérn
(Traduzione a cura dello Sportello linguistico del Comune di Luserna)
