Giovedì, 26 Maggio 2022 - 15:26 Comunicato 1495

Traduzione in cimbro
Festival von djungen von Euregio: ma makse innschraim sin atz 14 von prachant

Da ulfte editziong aftz “vornaügarn un traditziong”. Dar vorsitzar Fugatti: an okasiong zo macha lem in Euregio in djungen

Von 21 sin atz 24 herbestmånat 2022 da ulfte editziong von Festival von djungen von Euregio bartze haltn ka Rovrait in Trentino un 36 studentn von 16 afte 19 djar bartn soin gerüaft zo reda übar “vornaügarn un traditziong”.
Dar Festival von djungen bartze offetüan gianante z’sega daz naüge åmt vor informatziongen un vo koordinamént ka Tria un bartnse vennen zo reda pitt espèrte un asó di djungen mang diskutarn übar in Euregio un soi zukunft pittnåndar pinn vorsitzar vodar autonome Provìntz vo tria Maurizio Fugatti.
Dar Festival von djungen von Euregio opfart an schümman kulturàl un rikreatìf progråmm boda innhaltet trèff pinn firme von Euregio boda machan naüge sachandarn un trèff zo reda pitt espèrte. Darzuar pinn Festival di djungen mang khennen åndre djunge alt azpe se boda zuarkhemmen vo alln in lentar von Euregio.
Alcuni momenti salienti del Festival della gioventù dell'Euregio 2021 [ Sito web dell'Euregio Tirolo Alto-Adige Trentino]

Ma makse innschraim sin atz 14 von prachant atz: https://www.europaregion.info/it/festival/. Åna zo mocha zaln.

Dar progråmm vodar trentinar vorsitzung untar in spruch “dar Euregio iz djung” iz pròpio vor di djungen. Dar vorsitzar vodar autonome Provìntz vo Tria Maurizio Fugatti halteta zo khöda bia “dar Festival von djungen iz a guatar mustar: di djungen khennen in Euregio un khennen djunge vo auz in konfìn. Asó mangsa vorstìan in Euregio un disar gelånk zo bokhenna di djungen un vorstìan bazza hettatn mångl.

Übarsetzt von Schaltarle vor di zung von Toalkamou vodar Zimbar Hoachebene
(Traduzione a cura dello Sportello linguistico della Magnifica Comunità degli Altipiani Cimbri)

(cdt)

Fonte: Ufficio Stampa

Versione Stampabile

Immagini

Visualizza

Link

Potrebbero interessarti: