Traduzione in mòcheno
Festival van Jungen van Euregio: innschraim se finz as de 14 van prochet
S oa'dlevte trèff ist as de naiekeitn ont de praich. Der president Fugatti: an vurm za mòchen lem der Euregio en de jungen
Van 21 finz as de 24 van leistagest 2022 bart se hòltn s oa'dlefte trèff van Festival van Jungen van Euregio ka Roveredo en Trentin ont 36 studentn as hom va de 16 finz as de 19 jor barn meing toalnemmen en tema “naiekeitn ont de praich” .
Der Festivan van Jungen bart u'vongen pet de untersuach en nai' omt ver de informationen ont regiar van Euregio ka Trea't ont men bart meing klòffen pet auskenneta lait ont klòffer ver za klòffen as en Euregio ont sèll as bart kemmen en de zukunft pet en president van Euregio ont va de Autonome Provinz va Trea't der Maurizio Fugatti.
Der Festivan van Jungen van Euregio opfert aa an schea'n kultural programm pet workshop pet bèrkn as gem naiekaitn en Euregio ont klòffen pet lait as auskennen se. Gèltsgott en Festival de jungen barn meing kennen ont trèffen se pet jungen abia sei as kemmen va òndra lander van Euregio.
Ver za innschraim se miast men vour as de 14 van prochet tea' s as de sait https://www.europaregion.info/it/festival/. S toalnemm ist vrai.
Der programm unter de trea'tner presidenz hoast se “der Euregio ist jung” ont keart òlls as de jungen. Der president va de Autonome Provinz va Trea't ont van Euregio der Fugatti unterstraicht abia der Festivan va de Jungen ist an modell as gea't runt guat: de jungen kennen der Euregio ont mòchen se kamarottn va òndra lander. En doi vurm de jungen meing lem en gònzn der Euregio ont der Euregio mu gea' enkeing en de noat van jungen".
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
(Traduzione a cura dello Sportello linguistico della Comunità Alta Valsugana e Bersntol)
(cdt)
Immagini
