Lunedì, 18 Ottobre 2021 - 12:10 Comunicato 2991

Traduzione in cimbro
EuregioFamilyPass: allz bazda mage khemmen guat

Gezoaget da naüge interaktivponkart aft www.familypass.eu

Dar EuregioFamilyPass iz gemacht zoa azta alle di laüt von Euregio Tirolo-Alto Adige- Trentino khennen un lem taglisch in Euregio. Baz da khint gevoalt vor di fraizait geat vo sachandar augelékk vor ditza, mindarzahlum vor bazda ågeat ’z gelirna, dar kultur, in sport un sinamai skonte zo viazara pittn öffentle vüarum. Zo zoaga allz bazda khint gevoalt, izta khent gemacht a interaktivponkart von EuregioFamilyPass, boda khint est gezoaget von Asesör vor di famildja von Euregio, dar Land Tirol, vodar Sèlbartgeredjart Provintz vo Poatzan un vodar Sèlbartgeredjart Provintz vo Tria.

Da naüge interaktivponkart zoaget in famildje allz bazda gitt guat habante in EuregioFamilyPass, khönda di asesör vor di famildja. Vor in asesor vodar famildja vodar Sèlbartgeredjart Provintz vo Tria, di ponkart helft in laüt nètt lai zo venna un nützan bazda iz aftn platz, ma zo khenna bazdada iz in di åndarn zboa lentar von Euregio. Vor in asesor disar strumént bart helvan zoa azda di drai lentar mang khennen bazda khint gemacht aftna sait odar aft d’åndar. Di interaktivponkart von EuregioFamilyPass venntmase aft sito www.familypass.eu

Progråmm interedjonal vor di bekslum durchdigrentzan

Dar prodjett EuregioFamilyPass iz toal von progråmm Interedjonal Beleschlånt-Österreich. Von 2017, pitt disan prodjett, soinda khent vürgetrakk gelaichege beng zuar zo giana, zoa zo vóala mearar in famildje von Tirol, von Alto Adige un von Trentino un zoa zo macha khennen ummaz pinn åndar, soi kultur.

Übarsetzt von Türle afta Zimbarzung von Kamou vo Lusérn
(Traduzione a cura dello Sportello linguistico del Comune di Luserna)

(cdt)


Immagini