Der GECT Euregio hòt zbischn sai’na riven der sèll za mòchen reklam ont versterchern de koordiniarte òrbet va bissnschòftuntersuach, turch naikaitn as enteressiarn untersuacher va òlla drai de lender van Euregio, Tirol, Sudtirol ont Trentin. Ver dòs vour ungefer 10 jor de Junta van GECT hòt u’ganommen der ESF (Euregio Science Fund), as hòt abia rif der sèll za unterstitzn interregionalprojektn va internazional bichtegkait en raom va de gruntuntersuach en temen as en òlla enteressiarn. Pet de doi sicht men sicht vour za unterschraim an Oa’negea’ va zòmmòrbet zbischn der GECT ont de regiarn van drai lender ver bandi as regelmèsseg ausgea’. Pet en mossnem va hait kimmp u’ganommen der model van doi Oa’negea’ va zòmmòrbet ont derlap der president va de Provinz za tea’ nen unterschraim ont za hòlten au gèlt avn provinzalbilanz ver za zoln zua sèll as noat ist ver de projektn.
De koordiniarung va de regi ont van òrbetn u’gahenk en vinfte bando van ESF kimmp gem en an earstn moment en Land Tirol ont lai der moment va bèrtn van projektvourtschbinnen bart zòmm gamòcht kemmen pet de hilf van Osterraicherzuazol ver de bissnschòft (FWF), òrbet ver de beil s mossnem va hait u’ganommen hòt as an iats lònt 86.666,67 euro en GECT Euregio gem miast.
Men mu òndra nochrichtn en de doi sait vinnen: https://www.fwf.ac.at/en/funding/portfolio/international-collaborations/tyrol-south-tyrol-trentino
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
