Di prais boda khemmen gètt soin: a tschèrm Euregio automatisch pitt hoacha qualitét un a heft “Agenda Euregio” pinn design Euregio. Di prais bartn khemmen gètt in gebinnar, un di pildar bartn khemmen genützt azpe vorsait pilt, haupsait pilt von månat odar vor an collage pitt alln in pildar. Darzuar barta khemmen darkhennt a sait von kalandardjo von Euregio 2022 in gebinnar von konkors.
Alle di pürgar un di pürgaren von Euregio Tirol-Südtirol-Trentino mang nemmen toal in konkors. Ma mage schikhan sin atz viar fotgrafìan vor aniaglana djarzait (in gåntzan 16 fotografìan) dar euregio vorst darzuar zo schikha di pildar daz hötrarste boz iz möglich, un legante darzuar informatziongen von sèll boma sek in pilt un eppaz von kunstlar.
Ma mage nemmen toal sin atz 12 von herbestmånat 2021 gianate affon link www.euregio.info/concorso
Übarsetzt von Schaltarle vor di zung von Toalkamou vodar Zimbar Hoachebene
(Traduzione a cura dello Sportello linguistico della Magnifica Comunità degli Altipiani Cimbri)
