"Euregio Kontzèrt", in Auditorium vo Tria von djungen musitzìstn von drai lentar
Martedì, 19 Settembre 2023 - 17:12 Comunicato
2677
Traduzione in cimbro
"Euregio Kontzèrt", in Auditorium vo Tria von djungen musitzìstn von drai lentar
An ende von prodjèkt afte musìk formatziong augelekk vodar trentinar vorsitzarung vodar Euroredjong
’Z iztase gehaltet in tages spet an sunta 17 von herbestmånat in auditorium S.Chiara vo Tria dar kontzèrt von musìk schualn von Euregio boda iz khent augenump gåntz garècht von laüt boda soin gånt zo lüsna, ’z håmda gefift djunge musitzìstn vo alln drai in lentar. ’Z hatta ågeheft di Bånda von Djungen Musìk Schual vo Poatzan augelekk dòpo dar esperientz von Music Camp 2022, disa bånda iz gemacht vo djunge boda gian von 12 afte 17 djar un dena di musike von viar djunge saxofonìstn JuNoMoDa4, vodar Musikschule Überetsch Mittleres Etschtal, augelekk ’z djar 2021 in di musìk schual Unterland, boda nimp toal atz ettlane konkorse, kontzèrtn un macht ettlane musìk video. Darnå hatta gefift dar Gesangsstudio Do-RE-MI vodar Landesmusikschule Telfs, boda lirnen zo faiva, zo singa, zo lega in schèna opere, stükh musìk un schuaspiln djunge von 5 sin afte 15 djar un no spetar dar khnopf von vünf fisarmònike von Accordions Ensemble vodar musìk schual von Primiero. ’Z hatta gemacht verte in kontzèrt da djungliche Streichokestra von Euregio, gemacht vo 30 schüalar un schüalaren von musìk schualn von Trentino, Südtiról un Tiról, boda håm zbisnen in 11 un in 15 djar.
In kontzèrt hatta genump toal da djeneràl sekretardja von Euregio Elisa Bertò, disar kontzèrt iz sichar gest a bichtegar stèpfl von prodjèkt zo lirna in djungen von drai lentar in grunt vodar musìk
Il concerto delle scuole musicali dell'Euregio all'Auditorium Santa Chiara di Trento [
Foto Euregio]
Pinn djüst gaist z’arbata übar di konfìn, dar Euregio lekk au mearare initziativan abezolirna di djungen afte musìk, åhevante von 6 djar un gianante sin afte 18, dise initziativan soin a hauppunkt zo macha khennen di musìk in aniaglana kamòuschaft. Vor daz sèll in vorgånnate månat von prachant, ka Tria in an tagung, soinda khent gezoaget di sistéme bia ma mage abelirnen di djungen afte musìk, ’z hånda genump toal di bichtegarstn espèrte von musìk schualn von drai lentar von Euregio – musìk dirèktör, preside un profesör un dirèktör von musìk hoachschualn. Asó izta auvarkhent ke in da autonome Provintz vo Tria, in da sèll vo Poatzan un in Tiról lirntma musìk in gåntz åndre mode. Di Provìntz vo Tria, baispil, haltet au starch di didaktìk von 13 privàtt schualn nå zèrte regln: di schüalar boda gian in dise schualn soin mearar baz 5.000. In Südtiról, anvétze, di musìk formatziong iz augehaltet garade vodar Provìntz sèlbart, in Tiról iz no gåntz åndarst. ’Z zil von tagung iz gest dar sèll zo konfrontàra dise sistème un bia lirnt o. In da sèll okasiong o di djungen musitzìstn von Euregio håm gezoaget bia bravat da soin, faivante alle pittnåndar auzzalt in Dånte Platz.
Foto von Euregio. Pildar von Prèss Åmt vodar Provintz
