Rotn ver za vandern en video format
No de jorzaitn za gea’ verpai, s hòt aa a toal rotn ver za gea’ za vandern en gschichtena platz oder kulturaleta platz abia der monument va Andreas Hofer ka Mantova, der Schloss Heinfels en Tirol as de Est sait oder der prauch van nacht van Klöckeln en Sarntol. De informativen video as de doin platz za sechen mecht men sa vinnen turch en codice QR as de sait web van Euregio.
Ver de kinder: de roas va de horjoch Tiri ont va de kamaròtten Anna
Ver de klea’nestn, der letrattn klender van Euregio pet de horjoch Tiri ont de kamaròtten Anna. De gschichtn van zboa men mut sa vinnen en puach as men mu varmen van Euregio FamilyPass.
Bou za gea’ za nemmen der klender
En Trentin s gem sa aus bart kemmen organisiart turch de omtn as en lònt va de Autonome Provinz va Trea’t dirèkt kan informativomt va Piazza Dante ont en nai’ sitz va de Casa Moggioli, bou de lait meing nemmen an klender, finz as hòt sn ont de meing tschernen oder der sèll van tisch oder der sèll va mauer.
De barn sai’ za meing nemmen van ma’ta 13 van schantònderer. En allegat mu men sechen de platz bou as men mu nemmen en en Trentin ont de offetn zaitn.
En Sudtirol bar ter sai’ augem, finz as hòt sn, en òlla de greasestn kronkendinstn. En de Zuchstazion ka Poazn ist kemmen gamòcht a ausgem en òlla de lait as hom ganòmmen der zuch en de ta va de 7 ont de 9 van schantònderer.
Der klender mu kemmen tschechen vouraus aa:
Bont Klender : https://bit.ly/EuregioWandkalender2022
Tisch Klender: https://bit.ly/EuregioTischkalender2022
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
(Traduzione a cura dello Sportello linguistico della Comunità Alta Valsugana e Bersntol)
