En Trentin barn praucht kemmen meing de regional zuchdinstn turch de linea van Brenner zbischn Mezzocorona ont Borghetto, de zuchpon Trento-Malé ont de zuchpon va Valzegu’, de bus va Trea’t, Rovereto, Riva del Garda, Arco, Nago, Torbole, Persn ont Lavis, de dinst aus stòtt va Trentino Trasporti. Men bart nèt prauchen meing de zich va lònga ring abia Frecciargento, Railjet, Eurocity ont Intercity (IC).
En Sudtirol ont en Trentin barn a toal soalpent aa vrai sai’, as òlbe eppes schea’s za tea’ ist ver de gònze familia: en Trentin de soalpent Trea’t-Sardagna, en Sudtirol de soalpent van Renon, van Colle, va Voran, Meltn ont Meransen, ont nou der zuch van Renon ont de soalpent va de Mendola. En de naikait nimmp toal de AutoPostale Svizzera zbischn Malles ont Val Monastero aa, ober nèt de Linea 282 Tanas-Lana ont de Shuttle Nightliner.
De lait kemmen inngalont za gem òcht en de stunnen ver de zaruckroas, aa avai s ist moglech as en doi to mear lait roasn barn va sistn. Men vinnt pessera nochrichtn iber en de stunnen af de websaitn: www.vvt.at (Tirol pet de zuchnetzn pet en Sudtirol), www.suedtirolmobil.info/it/ (Sudtirol pet de zuchnètzn ver Innsbruck ont Lienz) ont
www.trentinotrasporti.it (Trentin).
Òndra nochrichtn pet en doi link: https://www.europaregion.info/it/euregio/progetti/mobilita-trasporti/giornata-della-mobilita-euregio/
Derzua: flyer pet nochrichtn
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
