Tel Trentin l é a la leta la ferates regionèles su la linea del Prener anter Mezzocorona e Borghetto, la ferata Trent-Malé e la ferata de la Valsugana, la corieres urbanes de Trent, Rorei, Riva del Garda, Arco, Nago, Torbole, Perjen e Lavis, i servijes extraurbans de Trentino Trasporti. Vegn lascià fora la ferates per viajes lonc desche Frecciargento, Railjet, Eurocity e Intercity (IC).
Tel Sudtirol e tel Trentin sarà debant ence vèlch coleament con impianc portamont, che sporc semper na “esperienza fora de anter” a duta la familia: tel Trentin la funivia Trent-Sardagna, tel Sudtirol i impianc de Renon, de Colle, de Verano, de Meltina e Maranza, estra che a la picola ferata del Renon e de la Mendola.
A chesta scomenzadiva tol pèrt ence l Autopostale de la Svizra anter Malles e Val Monastero, ma no tol pèrt la Linea 282 Tanas-Lana e i Shuttle Nightliner.
Se envia i utenc a vardèr dantfora i oraries per l viac de retorn, ajache pel esser che te chesta dì particolèra ge sie più jent de viac che de zenza.
Duta la informazions e i oraries a la leta sui sic web: www.vvt.at (Tirol e coleamenc tras ferata col Sudtirol), www.suedtirolmobil.info/it/ (Sudtirol coleamenc tras ferata envers Dispruch e Lienz) e www.trentinotrasporti.it (Trentin).
De autra informazions a chest link: https://www.europaregion.info/it/euregio/progetti/mobilita-trasporti/giornata-della-mobilita-euregio/
Te l’enjonta: flyer con informazions
Traduzion di Servijes Linguistics e Culturèi del Comun general de Fascia
