Mercoledì, 23 Giugno 2021 - 12:08 Comunicato 1623

Traduzione in cimbro
Drauren pinn Zungmindarhaitn: an fintzta 24 press konferéntz vürzostèllaz

Di konferéntz bart khemmen gezoaget garade atz Facebook o, åhevante vo di 11.00 vort

“Di zungmindarhaitn håm vèrt: da sotziàl linguistìk nåsüach vodar Universitét vo Tria” iz dar titl von earst öffentlesche trèff zo reda pinn zungmindarhaitn von Trentino, bodase bart haltn auz di lestn von prachant un iz toal vo mearare åndre trèff gehoazt “Drauren pinn zungmindarhaitn”. ’Z soinz trèff augelekk zo vorstiana pezzar di argoméntn übar ladinar, möknar un zimbar kamöüschaft, öffe alln in pürgar vodar Provìntz haltante kunt ke dise argoméntn gian å garade dar Autonomì vodar Provìntz.
An fintzta atz 24 von prachant di 11.00 ditza bar khemmen vürgelekk in a press konferéntz bodase bart khemmen gemacht in Sala Belli un gètt durch Facebook o aftz disan link:
https://www.facebook.com/provincia.autonoma.trento/.

’Z bartnda ren dar provintziàl konsildjìar un vitzevorsitzar von redjonàl Rat Luca Guglielmi, berda vürvüart in Dianst vor di Zungmindarhaitn un européan Audit vodar Provìntz Giuliana Cristoforetti, di profesören vo djeneràl Linguistìk von Dipartimént “Lettere e Filosofia” vodar Universitét vo Tria boda iz någestånt in prodjèkt CLAM 2021 Patrizia Cordin un dar profesór vo fölklinguisitk un djeneràl linguistìk von Dipartimént “Scienze Umane per la formazione “Riccardo Massa” vodar Universitét Milano Bicocca Gabriele Iannaccaro. An lestn barta soin dar gruaz von Vorsitzar vodar autonóme Provìntz vo Tria Maurizo Fugatti.

Berda bill nemmen toal mochtze innschraim vor di 19.00 von mitta 23 prachan schraibante a mail aft: uff.stampa@provincia.tn.it

Übarsetztvon Schaltarle vor di zung von Toalkamou vodar Zimbar Hoachebene
(Traduzionea cura dello Sportello linguistico della Magnifica Comunità degliAltipiani Cimbri)

(cdt)

Fonte: Ufficio Stampa

Versione Stampabile

Immagini

Visualizza

Potrebbero interessarti: