Giovedì, 07 Settembre 2023 - 17:33 Comunicato 2583

Traduzione in ladino
Digitèl scempie: coi 20 de setember pea via i corsc online

Cinch portie, a la leta de la jent, ja orì sul teritorie

Este bon de ruèr ite te tia cartela sanitèra eletronica? Sèste co durèr SPID? Sèste percheche ge vel mudèr la password de tie pc o de tie fonin? Sèste coluns che l é i servijes online sporc da la Provinzia e dal Portal Trentin Lurier? Domanes emportantes, che fèsc pèrt de la vita de duc i dis, a cheles che per poder responer ge vel svilupèr competenzes digitèles che bendeché les é pech cognosciudes da na pèrt de la jent. Per implementèr l svilup de la competenzes digitèles di sentadins del Trentin l é nasciù l projet “Pont digitèl scempie”, finanzià dal PNRR tel chèder del investiment “Rei di servijes de semplificazion digitèla” del Dipartiment per la Trasformazion Digitèla e coordenà da la Provinzia autonoma de Trent che, en colaborazion con Tsm- Trentino School of Management à endrezà diesc scontrèdes online che trata dotrei argomenc conscidré fondamentèi per l azes ai servijes digitèi.
Un'immagine che richiama la necessità di misure di sicurezza nel digitale [ © Tutti i diritti riservati]

La scontrèdes les é debant e duc pel tor pèrt, scin canche l é post. Per tor pèrt, ge vel se enscinuèr. La pruma scontrèda la é en program en mercol ai 20 de setember, da les 17:00 a les 18:00 e la sarà dedichèda a la segureza informatica. I corsc online l é na pèrt del projet, peà via d’istà, canche l é stat orì 5 portie sul teritorie a Ciavaleis, a Malè, a Rorei, a Tione e a Trent, a chi che pel se oujer i sentadins per aer debant assistenza, compagnament e formazion per la doura di servijes e de la tecnologies digitèles.

Via per la setemènes che vegn, vegnarà orì amò 5 portie a Riva del Garda, Perjen, Borgo Valsugana, Primier e Sèn Jan. Dant da la fin del 2024 i portie a la leta de la jent i sarà 22, de gra a la colaborazion anter Provinzia e l Consorzie di Comuns Trentins. Se trata de n servije sport debant e per duc i utenc, coluna mai che sie l’età e l livel de competenza. Ge vel demò se resservèr n post sul portel istituzionèl de la Provinzia: www.provincia.tn.it/Digitale-Facile

Per se enscinuèr a la scontrèdes online se pel jir sul sit de Trentino School of Management: https://www.tsm.tn.it/attività/punto-digitale-facile-seminari-online

L é ence l numer vert, 800228040, a chel che se pel domanèr assistenza e duta la informazions per resservèr la consulenzes o per se enscinuèr ai corsc online.

Chiò te pes veder la intervistes a Cristina Pretto, Sorastanta generèla Umst semplificazion e digitalisazion de la Provinzia autonoma de Trent e a Nicola Villa, responsabol de la Unità trasformazion digitèla e inovazion Tsm:

Traduzion di Servijes Linguistics e Culturèi del Comun general de Fascia

(cdt)


Immagini