Di trèff soin åna zo mocha zaln un offe vor alle sin azta bart soin platz. Zo nemma toal mochtmase innschraim. Dar earst trèff bart soin an mitta atz 20 von herbestmånat, vo di vünve sin di sèkse in tages un bart soin übar in tèma vodar informatege sicharom. Di tagung online soin toal vonan prodjèkt ågeheft auz pan summar balda soin khent offegetånt vünf schaltarla in di lentar vo Cavalese, Malè, Rovrait, Tione un Tria, da di pürgar mang gian, åna zo mocha zaln, zo haba hilfe, z’soina abegelirnt zo nütza di didjitàln dianst un di didjitàln teknolodjie.
Åndre vünf schaltarla bartn khemmen offegetånt in di bochan boda khemmen atz Riva aftn Garda sea, Pèrsan, Burge, Primiero un Sèn Jan in Fassa Tal. Vorda auz iz ’z djar 2024 bartnsa soin 22 di schaltarla vor di pürgar ankunto dar mittarbat pinn Konsòrtzio von Trentinar Kamöündar. Dar dianst iz åna z’zala un offe vor alle di laüt vo aniaglana eltom un aniaglana kompeténtz. ’Z iz genumma vorsan z’soina ågenump durch in istitutzionàl portàl vodar Provìntz: www.provincia.tn.it/Digitale-Facile.
Innzoschraibase afte tagung online makma gian afte websait vo Trentino School of Management:
https://www.tsm.tn.it/attivita/punto-digitale-facile-seminari-online.
’Z izta o darzuar dar grümma nummar åna z’zala, 800228040, boma mage vorsan z’soina någeholft un allz daz sèll boma bil bizzan zo vorsa konsuléntz odar innzoschraibase afte tagung online.
Da untar di interviste dar Cristiana Pretto, djeneràl diridjént Umst semplifikatziong un didjitalizatziong vodar autonome Provìntz vo Tria un in Nicola Villa, vüarar von didjitàl bèkslom un vornaügarum Zentrum vo Tsm:
Übarsetzt von Schaltarle vor di zung von Toalkamou vodar Zimbar Hoachebene
