De projektn zuazollt van trentinische jungen artistn
En de voudern ta ist kemmen u’ganommen de lista van projektn as barn kriang an paitrog as sai’ kemmen vourtrong van jungen artistn bail der trèff bou as men hòt pfaiert de visk jor van zboate Statut va autonomi. S sai’ de vourtschbinnen as hom toalganommen en de bandi envire trong va de provinzal amministrazion ver za gem a hònt en de vourtschbinnen ver de jarder 2021-22; de naiòrbetn hom vour za giltn ont envire trong, iberhaup zbischen de jungen, de trentinische gschicht ont sèll as bart sai’ va de autonomi durch sèll as s ist kemmen gatu’ en de leistn visk jor (1971-2022) van ausònder ordnung van Trentin Sűdtirol. De projektn as sai’ kemmen u’ganommen ver de zboa jarder, sai’ òchta, ver an zuazoll va 95,884,60 euro, van doin secksa sai’ de projektn van 2022 ver an total va 70.384,60 euro.
De learvourtschbinnen
Dernem en de naiòrbetn as stellt vour der Provinzalrot ver en schualjor 2022/2023, de Fondazione Museo storico del Trentino lòk untersuachen umansist de groas austell “Spettacolo: un viaggio in 200 anni di storia” austellt kan Le Gallerie di Piedicastello, pet de moglechkait za mòchen learuntersuachen “La carta d’identità del Trentino”, “L’Invenzione di un territorio. Il Trentino nell’Impero asburgico”, “L’Energia dell’acqua. Storia dell’industria idroelettrica in Trentino”, “Capire l'autonomia” e “Novecento Trentino. Dalla Grande Guerra all'Autonomia”, finz en Spazio Degasperi en Palazzo Thun, ont nou regiareta untersuach en de turchaus austell “La Provincia si racconta”. Men mu vinnen òndra nochrichtn en de derzuakòrt “L’offerta formativa della Fondanzione Museo storico del Trentino in occasione del Cinquantenario del Secondo Statuto d’Autonomia”.
Forum va de autonomi
Van mu’net van leistagest envire, kan sitz va de Provinz, bartn kemmen organisiart mearer trèffen, vourstelln ont seminarn as klòffen va gschicht ont kultur va de autonomi. S barn kemmen vourstellt ont s bart drauklòfft kemmen van piacher as toalmòchen va de kettnen “50 anni di autonomia”, drautschauk van Mauro Marcantoni, ont men bart iberhaup auhòltn se as de saitn mear stòrch va de inser gschicht. En vraita as de 16 van leistagest 2022 barts hom an earste trèff as keart en de vraikòrt (1992).
Der sito
Der programm ont de trèffn ver en vinva van leisteagest, der to en beil der Trentin vaiert de sai’ ausònder autonomi, men mu sa vinnen en an sito lai ver en sèll paroatet, en beil as kemmen zòmmgaleik òlla de ausdrucken as kearn en de visk jor van Zboate statut. Asn sito eppes mear as de gschicht va de autonomi ont van Trentin aa, propre bavai de burtzn va de autonomi mu men sa vinnen en de lander as grenzn. De sait bart òlbe vernaiert ont gabaiter kemmen pet de moglechkait za nemmen oar a toal paitrogn; zbischn de doin drucken as nou za riven sai’ “Le politiche provinciali e gli aspetti istituzionali dell’Autonomia”, as kearn en gschicht van leistn visk jor va sèlber provinzal regiar, pet de editorial iberschauer van Mauro Marcantoni.
Nochrichtn https://www.ufficiostampa.provincia.tn.it/Giornata-autonomia
Derzua de “Offerta formativa della Fondazione Museo storico del Trentino in occasione del Cinquantenario del Secondo Statuto d’Autonomia”.
Ibersetz gamòcht van Sprochtirl va de Tolgamoa'schòft Hoa Valzegu' ont Bersntol
(Traduzione a cura dello Sportello linguistico della Comunità Alta Valsugana e Bersntol)
